ਹਰਭਜਨ ਸਿੰਘ ਵਕਤਾ
ਹਰਭਜਨ ਸਿੰਘ ਵਕਤਾ (ਜਨਮ 4 ਫਰਵਰੀ 1976) ਕਵੀ ਅਤੇ ਬੁਲਾਰਾ ਹੈ।
ਹਰਭਜਨ ਸਿੰਘ ਵਕਤਾ | |
|---|---|
.jpg) ਹਰਭਜਨ ਸਿੰਘ ਵਕਤਾ | |
| ਜਨਮ | 4 ਫਰਵਰੀ 1976 ਪਿੰਡ ਬੰਬ, ਗੁਰਦਾਸਪੁਰ, ਪੰਜਾਬ |
| ਕਿੱਤਾ | ਲੇਖਕ, ਕਵੀ |
| ਭਾਸ਼ਾ | ਪੰਜਾਬੀ |
ਹਰਭਜਨ ਸਿੰਘ ਵਕਤਾ ਦਾ ਪਿਛੋਕੜ ਗੁਰਦਾਸਪੁਰ ਜ਼ਿਲ੍ਹੇ ਨਾਲ ਸਬੰਧਤ ਹੈ ਪਰ ਹੁਣ ਉਹ ਅੰਮ੍ਰਿਤਸਰ ਵਿਖੇ ਰਹਿ ਰਿਹਾ ਹੈ। ਉਹ ਪੰਜਾਬੀ ਦੋਹਾਕਾਰਾਂ ਵਿੱਚ ਜਾਣਿਆ ਪਛਾਣਿਆ ਨਾਂ ਹੈ। ਉਸ ਦੇ ਲਿਖੇ ਪੰਜਾਬੀ ਦੋਹਿਆਂ ਦੀ ਪੁਸਤਕ 'ਚੁੱਪ ਦੇ ਬੋਲ' ਨੇ ਉਸ ਨੂੰ ਚਰਚਿਤ ਕੀਤਾ।[1] ਉਸ ਦੇ ਦੋਹੇ ਚੌਗਿਰਦੇ ਪ੍ਰਤੀ ਚੇਤਨਤਾ, ਕੁਦਰਤ ਦੇ ਰਹੱਸ ਅਤੇ ਮਨੁੱਖੀ ਮਨ ਦੀਆਂ ਗੁੰਝਲਾਂ ਖੋਲ੍ਹਣ ਦੇ ਯਤਨ ਦੇ ਨਾਲ-ਨਾਲ ਸਮਾਜਿਕ ਸਰੋਕਾਰਾਂ ਨਾਲ ਪੀਡੀ ਸਾਂਝ ਵੀ ਨਿਭਾਉਂਦੇ ਹਨ।
ਕਵੀ ਹੋਣ ਦੇ ਨਾਲ-ਨਾਲ ਉਹ ਬਹੁਤ ਵਧੀਆ ਬੁਲਾਰਾ ਅਤੇ ਸਿੱਖ ਚਿੰਤਕ ਵੀ ਹੈ। ਉਸ ਦੇ ਲੇਖ ਅਖਬਾਰਾਂ ਤੇ ਮੈਗ਼ਜ਼ੀਨਾਂ ਵਿੱਚ ਅਕਸਰ ਛਪਦੇ ਰਹਿੰਦੇ ਹਨ।[2]
ਕਿਤਾਬਾਂ ਸੋਧੋ
- ਜੀਵਨੀ ਗਿਆਨੀ ਸੰਤੋਖ ਸਿੰਘ ਆਸਟਰੇਲੀਆ
- ਚੁੱਪ ਦੇ ਬੋਲ (ਦੋਹੇ)
- ਸ਼੍ਰੋਮਣੀ ਕਮੇਟੀ ਦੀਆਂ ਸੇਵਾ ਸਰਗਰਮੀਆਂ 2005-2012 (ਸਹਿ ਸੰਪਾਦਕ)
- ਸ੍ਰੀ ਅਨੰਦਪੁਰ ਸਾਹਿਬ-ਬਹੁਪੱਖੀ ਦਰਸ਼ਨ (ਸਹਿ ਸੰਪਾਦਕ)
- ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਸੇਵਾ ਸਰਗਰਮੀਆਂ 2017 (ਸੰਪਾਦਕ)
ਨਮੂਨਾ ਸ਼ਾਇਰੀ-ਦੋਹੇ ਸੋਧੋ
ਨਦੀਆਂ ਤੁਰੀਆਂ ਜਾਂਦੀਆਂ ਸਦੀਆਂ ਗਈਆਂ ਬੀਤ।
ਸੰਗ ਯਾਦਾਂ ਦਾ ਕਾਫ਼ਲਾ, ਸੰਗ ਰਾਹੀਆਂ ਦੇ ਗੀਤ।
ਅੰਦਰ ਦੀ ਆਵਾਜ਼ ਸੁਣ ਤੇ ਸੁਣ ਚੁੱਪ ਦੇ ਬੋਲ।
ਤੁਪਕੇ ਦਾ ਮੁਹਤਾਜ ਹੈ, ਬੈਠਾ ਸਾਗਰ ਕੋਲ।
ਹੰਝੂ ਰੋਂਦੀ ਅੱਖ ਦਾ, ਹੱਸਦੀ ਅੱਖ ਦਾ ਨੀਰ।
ਕਿਸਮਤ ਆਪੋ ਆਪਣੀ, ਵੱਖੋ ਵੱਖ ਤਕਦੀਰ।
ਚਾਦਰ ਸਰਕੀ ਤਨ ਉਤੋਂ, ਮਨ 'ਤੇ ਬਣਿਆ ਭਾਰ।
ਕਿਹੜਾ, ਕਾਹਤੋਂ ਕਰ ਰਿਹਾ, ਮੇਰੇ ਘਰ 'ਤੇ ਵਾਰ।
ਜਿਸ 'ਤੇ ਦੁਨੀਆਦਾਰੀਆਂ ਰਹੀਆਂ ਸਦਾ ਸਵਾਰ।
ਚੁੱਕ ਨਾ ਹੋਇਆ ਓਸ ਤੋਂ, ਇੱਕ ਸੁਪਨੇ ਦਾ ਭਾਰ।
ਲਿੰਕ ਸੋਧੋ
ਹਵਾਲੇ ਸੋਧੋ
- ↑ ਹਰਭਜਨ ਸਿੰਘ ਵਕਤਾ ਦੀ ਪੁਸਤਕ ‘ਚੁੱਪ ਦੇ ਬੋਲ’ ਲੋਕ ਅਰਪਣ
- ↑ "ਪੁਰਾਲੇਖ ਕੀਤੀ ਕਾਪੀ". Archived from the original on 2016-03-04. Retrieved 2015-08-16.
{{cite web}}: Unknown parameter|dead-url=ignored (|url-status=suggested) (help)