ਚਮਿੰਡਾ ਵਾਸ
ਵਾਰਨਾਕੁਲਾਸੂਰੀਆ ਪਾਤਾਬੈਂਦਿਜ ਉਸ਼ਾਂਥਾ ਜੋਸਫ਼ ਚਮਿੰਡਾ ਵਾਸ[1] (ਜਨਮ 27 ਜਨਵਰੀ 1974) ਜਿਸਨੂੰ ਕਿ ਚਮਿੰਡਾ ਵਾਸ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ, ਉਹ ਇੱਕ ਸਾਬਕਾ ਸ੍ਰੀ ਲੰਕਾਈ ਕ੍ਰਿਕਟ ਖਿਡਾਰੀ ਹੈ। ਉਹ ਬਤੌਰ ਗੇਂਦਬਾਜ ਸ੍ਰੀ ਲੰਕਾ ਕ੍ਰਿਕਟ ਟੀਮ ਦਾ ਹਿੱਸਾ ਰਿਹਾ ਹੈ ਅਤੇ ਕ੍ਰਿਕਟ ਦੇ ਤਿੰਨੋਂ ਭਾਗਾਂ ਇੱਕ ਦਿਨਾ ਅੰਤਰਰਾਸ਼ਟਰੀ, ਟੈਸਟ ਕ੍ਰਿਕਟ ਵਿੱਚ ਰਾਸ਼ਟਰੀ ਟੀਮ ਵੱਲੋਂ ਖੇਡਦਾ ਰਿਹਾ ਹੈ। ਚਮਿੰਡਾ ਵਾਸ ਨੂੰ ਖਾਸ ਤੌਰ 'ਤੇ ਨਵੀਂ ਗੇਂਦ ਨਾਲ ਗੇਂਦਬਾਜੀ ਕਰਨ ਕਰਕੇ ਜਾਣਿਆ ਜਾਂਦਾ ਹੈ। ਉਹ ਨਵੀਂ ਗੇਂਦ ਨਾਲ ਬਹੁਤ ਸਫ਼ਲਤਾ ਨਾਲ ਗੇਂਦਬਾਜੀ ਕਰਦਾ ਹੁੰਦਾ ਸੀ।[2] ਇਸ ਤੋਂ ਇਲਾਵਾ ਆਪਣੀ ਟੀਮ ਦੇ ਦਿੱਗਜ ਸਪਿੱਨ ਖਿਡਾਰੀ ਮੁਤਯਈਆ ਮੁਰਲੀਧਰਨ ਦਾ ਵੀ ਉਸਨੇ ਪੂਰਾ ਸਾਥ ਦਿੱਤਾ। ਮੁਰਲੀਧਰਨ ਸਭ ਤੋਂ ਜਿਆਦਾ ਵਿਕਟਾਂ ਹਾਸਿਲ ਕਰਨ ਵਾਲਾ ਵਿਸ਼ਵ ਦਾ ਗੇਂਦਬਾਜ ਹੈ। ਅਰਵਿੰਦ ਦਿ ਸਿਲਵਾ ਨੇ ਉਸ ਸੰਬੰਧੀ ਕਿਹਾ ਸੀ ਕਿ ਜਿਸ ਤਰ੍ਹਾਂ ਗਲੇਨ ਮੈਕਗ੍ਰਾਥ ਨੇ ਸ਼ੇਨ ਵਾਰਨ ਦੀ ਸਹਾਇਤਾ ਕੀਤੀ ਹੈ, ਉਸੇ ਤਰ੍ਹਾਂ ਹੀ ਚਮਿੰਡਾ ਵਾਸ ਵੀ ਮੁਰਲੀਧਰਨ ਨਾਲ ਮਿਲ ਕੇ ਖੇਡਦਾ ਰਿਹਾ ਹੈ।[3][4][5]|group=note|name="ara"}}
ਖੇਡ ਜੀਵਨ ਸੋਧੋ
ਪਹਿਲਾ ਦਰਜਾ ਕ੍ਰਿਕਟ ਦਾ ਪਹਿਲਾ ਮੈਚ ਖੇਡਣ ਤੋਂ ਚਾਰ ਸਾਲ ਬਾਅਦ ਚਮਿੰਡਾ ਨੇ ਆਪਣਾ ਪਹਿਲਾ ਟੈਸਟ ਕ੍ਰਿਕਟ ਮੈਚ ਖੇਡਿਆ ਸੀ ਅਤੇ ਇਹ ਮੈਚ ਉਸ ਨੇ ਪਾਕਿਸਤਾਨ ਕ੍ਰਿਕਟ ਟੀਮ ਖਿਲਾਫ ਖੇਡਿਆ ਸੀ।
ਹੈਟ੍ਰਿਕ ਲਗਾਉਣਾ ਸੋਧੋ
2003 ਵਿੱਚ ਹੋਏ ਅੱਠਵੇਂ ਵਿਸ਼ਵ ਕੱਪ ਵਿੱਚ ਚਮਿੰਡਾ ਵਾਸ ਨੇ ਹੈਟ੍ਰਿਕ ਲਗਾਈ ਸੀ। ਉਸਨੇ ਇਹ ਕਾਰਨਾਮਾ ਬੰਗਲਾਦੇਸ਼ ਕ੍ਰਿਕਟ ਟੀਮ ਖਿਲਾਫ ਕੀਤਾ ਸੀ। ਚਮਿੰਡਾ ਵਾਸ ਨੇ ਆਪਣੀ ਤੇ ਮੈਚ ਦੀ ਪਹਿਲੀ ਹੀ ਗੇਂਦ 'ਤੇ ਬੰਗਲਾਦੇਸ਼ ਦੇ ਓਪਨਰ ਹਨਨ ਸਰਕਾਰ ਨੂੰ ਬੋਲਡ ਕਰ ਦਿੱਤਾ। ਦੂਜੀ ਗੇਂਦ 'ਤੇ ਮੁਹੰਮਦ ਅਸ਼ਰਫ਼ਉਲ ਨੂੰ ਵੀ ਕੈਚ ਐਂਡ ਬੋਲਡ ਕਰ ਦਿੱਤਾ, ਹੁਣ ਚਮਿੰਡਾ ਵਾਸ ਹੈਟ੍ਰਿਕ 'ਤੇ ਸੀ ਅਤੇ ਉਸ ਦੀ ਅਗਲੀ ਹੀ ਗੇਂਦ 'ਤੇ ਅਹਿਸਾਨ ਉੱਲ ਹੱਕ ਨੂੰ ਜੈਵਰਧਨੇ ਨੇ ਸਲਿੱਪ 'ਤੇ ਲਪਕ ਲਿਆ। ਇਸ ਤਰ੍ਹਾਂ ਚਮਿੰਡਾ ਵਾਸ ਵਿਸ਼ਵ ਕੱਪ 'ਚ ਮੈਚ ਦੀਆਂ ਪਹਿਲੀਆਂ ਹੀ ਤਿੰਨ ਗੇਂਦਾਂ 'ਤੇ ਹੈਟ੍ਰਿਕ ਲਾਉਣ ਵਾਲਾ ਪਹਿਲਾ ਗੇਂਦਬਾਜ਼ ਬਣ ਗਿਆ। ਉਸ ਨੇ ਇਸੇ ਓਵਰ ਦੀ ਹੀ ਪੰਜਵੀਂ ਗੇਂਦ 'ਤੇ ਸਨਵਰ ਹੁਸੈਨ ਨੂੰ ਵੀ 4 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਆਊਟ ਕਰ ਦਿੱਤਾ ਸੀ।
ਹਵਾਲੇ ਸੋਧੋ
- ↑ How To Pronounce Chaminda Vaas Full Name
- ↑ Chaminda Vaas, espncricinfo.com Retrieved 9 January 2016
- ↑ Clementine, Rex (2 May 2004). "Celebrations for Sanath and Vaas in Bulawayo". The।sland. Colombo. Archived from the original on 4 ਮਾਰਚ 2016. Retrieved 23 February 2013.
{{cite news}}: Unknown parameter|dead-url=ignored (|url-status=suggested) (help) - ↑ Pathirana, Saroj (7 May 2007). "Vaas committed to 2011 World Cup". BBC Sinhala Service. Retrieved 23 February 2013.
- ↑ Richards, Huw (13 April 2007). "Cricket: A bowler's rare limelight moment". The New York Times. Retrieved 23 February 2013.