ਕੋਟ ਧਰਮੂ

ਕੋਟ ਧਰਮੂ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਦੀ ਤਹਿਸੀਲ ਝੁਨੀਰ ਦਾ ਇੱਕ ਪਿੰਡ ਹੈ। 2011 ਵਿੱਚ ਕੋਟ ਧਰਮੂ ਦੀ ਅਬਾਦੀ 4121 ਸੀ। ਇਸ ਦਾ ਖੇਤਰਫ਼ਲ 11.48 ਕਿ. ਮੀ. ਵਰਗ ਹੈ।

ਕੋਟ ਧਰਮੂ
ਪਿੰਡ
ਦੇਸ਼	ਭਾਰਤ
ਰਾਜ	ਪੰਜਾਬ
ਜ਼ਿਲ੍ਹਾ	ਮਾਨਸਾ
ਤਹਿਸੀਲ	ਮਾਨਸਾ
ਖੇਤਰ
• ਖੇਤਰਫਲ	11.48 km2 (4.43 sq mi)
ਆਬਾਦੀ  (2011)
• ਕੁੱਲ	4,121
ਭਾਸ਼ਾ
• ਸਰਕਾਰੀ	ਪੰਜਾਬੀ
ਸਮਾਂ ਖੇਤਰ	ਯੂਟੀਸੀ+5:30 (ਭਾਰਤੀ ਮਿਆਰੀ ਸਮਾਂ)
ਡਾਕ ਕੋਡ	151505
ਟੈਲੀਫੋਨ ਕੋਡ	01659-26*****

ਇਸ ਪਿੰਡ ਦੇ ਤਿੰਨ ਵੇਹੜੇ ਭਾਵ ਪੱਤੀਆਂ ਹਨ- ਮਾਖ਼ਾ ਵੇਹੜਾ, ਗੜੀ ਵੇਹੜਾ, ਕਿਲਾ ਵੇਹੜਾ। ਪਿੰਡ ਦੀ ਮੁੱਖ ਆਬਾਦੀ ਸਿੱਧੂ ਜੱਟਾਂ ਦੀ ਹੈ ਜਿਨ੍ਹਾਂ ਦਾ ਪਿਛੋਕੜ ਤਲਵੰਡੀ ਸਾਬੋ ਦਾ ਹੈ। ਇਸ ਤੋਂ ਬਿਨਾਂ ਇੱਥੇ ਧਾਲੀਵਾਲ, ਸਮਾਘ, ਸਰਾਂ ਗੋਤਾਂ ਦੇ ਲੋਕ ਵੀ ਰਹਿੰਦੇ ਹਨ।

ਜੱਟਾਂ ਤੋਂ ਬਿਨਾ ਇੱਥੇ ਨਾਈ, ਘੁਮਿਆਰ, ਰਾਮਦਾਸੀਏ, ਮਜ਼੍ਹਬੀ ਸਿੱਖ ਅਤੇ ਤਰਖਾਣ ਭਾਈਚਾਰੇ ਦੇ ਲੋਕ ਰਹਿੰਦੇ ਹਨ।

ਧਾਰਮਿਕ ਅਸਥਾਨ

ਪਿੰਡ ਦੇ ਬਾਹਰਵਾਰ ਉੱਡਤ ਭਗਤ ਰਾਮ ਨੂੰ ਜਾਂਦੀ ਸੜਕ ‘ਤੇ ਗੁਰਦੁਆਰਾ ਸੂਲੀਸਰ ਸਾਹਿਬ ਸਥਿਤ ਹੈ; ਇਹ ਗੁਰੂ ਘਰ ਗੁਰੂ ਤੇਗ ਬਹਾਦਰ ਦੀ ਚਰਨ ਸ਼ੋਹ ਪ੍ਰਾਪਤ ਹੈ। ਗੁਰੂ ਸਾਹਿਬ ਜਦੋਂ ਤਲਵੰਡੀ ਸਾਬੋ ਵਿਖੇ ਆਏ ਸਨ ਤਾਂ ਇੱਥੇ ਵੀ ਪਧਾਰੇ ਸਨ। ਉਨ੍ਹਾਂ ਦੇ ਠਹਿਰਾਅ ਸਮੇਂ ਰਾਤ ਨੂੰ ਚੋਰ ਨੇ ਉਨ੍ਹਾਂ ਦਾ ਕੀਮਤੀ ਘੋੜਾ ਚੋਰੀ ਕਰ ਲਿਆ ਸੀ, ਬਾਦ ‘ਚ ਗਲਤੀ ਦਾ ਪਛਤਾਵਾ ਹੋਣ ਤੇ ਉਹ ਵਾਪਸ ਆਇਆ ਤੇ ਜੰਡ ਦੇ ਸੁੱਕੇ ਦਰੱਖਤ ‘ਤੇ ਡਿੱਗ ਕੇ ਜਾਨ ਦੇ ਦਿੱਤੀ; ਉਸ ਤੋਂ ਬਾਦ ਇਸ ਗੁਰ ਅਸਥਾਨ ਦਾ ਨਾਂ ਸੂਲੀਸਰ ਸਾਹਿਬ ਵਜੋਂ ਪ੍ਰਸਿੱਧ ਹੋ ਗਿਆ। ਹਰ ਮਹੀਨੇ ਇੱਥੇ ਦਸਵੀਂ ਭਰਦੀ ਹੈ ਤੇ ਦੂਰ ਦੁਰੇਡਿਓਂ ਸੰਗਤਾਂ ਆਉਂਦੀਆਂ ਹਨ।

ਵਿੱਦਿਅਕ ਅਦਾਰੇ

ਪਿੰਡ ਵਿੱਚ ਸਰਕਾਰੀ ਪ੍ਰਾਇਮਰੀ ਤੇ ਸੈਕੰਡਰੀ ਸਕੂਲ ਬਣੇ ਹੋਏ ਹਨ, ਇਸ ਤੋਂ ਬਿਨਾਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਧੀਨ ਸਾਹਿਬਜ਼ਾਦਾ ਜੁਝਾਰ ਸਿੰਘ ਪਬਲਿਕ ਸਕੂਲ ਗੁਰਦੁਆਰਾ ਸੂਲੀ ਸਾਹਿਬ ਕੋਲ ਸਥਿਤ ਹੈ।

ਹੋਰ ਦੇਖੋ

• ਜ਼ਿਲ੍ਹਾ ਮਾਨਸਾ ਦੇ ਪਿੰਡਾਂ ਦੀ ਸੂਚੀ
• ਜ਼ਿਲ੍ਹਾ ਬਠਿੰਡਾ ਦੇ ਪਿੰਡਾਂ ਦੀ ਸੂਚੀ