ਡਿਸਕ ਇਨਕ੍ਰਿਪਸ਼ਨ

ਡਿਸਕ ਇਨਕ੍ਰਿਪਸ਼ਨ ਇਕ ਅਜਿਹੀ ਟੈਕਨਾਲੌਜੀ ਹੈ ਜੋ ਸੂਚਨਾ ਨੂੰ ਨਾ-ਪੜ੍ਹਨਯੋਗ ਕੋਡ ਵਿਚ ਬਦਲ ਕੇ ਬਚਾਉਂਦੀ ਹੈ ਜਿਸ ਨੂੰ ਅਣਅਧਿਕਾਰਤ ਲੋਕਾਂ ਦੁਆਰਾ ਅਸਾਨੀ ਨਾਲ ਸਮਝਿਆ ਨਹੀਂ ਜਾ ਸਕਦਾ। ਡਿਸਕ ਇਨਕ੍ਰਿਪਸ਼ਨ ਹਰ ਬਿਟ ਨੂੰ ਇਨਕ੍ਰਿਪਟ ਕਰਨ ਲਈ ਡਿਸਕ ਇਨਕ੍ਰਿਪਸ਼ਨ ਹਾਰਡਵੇਅਰ ਜਾਂ ਸਾੱਫਟਵੇਅਰ ਦੀ ਵਰਤੋਂ ਕਰਦੀ ਹੈ ਜੋ ਡਿਸਕ ਜਾਂ ਡਿਸਕ ਵਾਲੀਅਮ ਤੇ ਜਾਂਦੀ ਹੈ। ਇਸਦੀ ਵਰਤੋਂ ਡੇਟਾ ਸਟੋਰੇਜ ਤੱਕ ਅਣਅਧਿਕਾਰਤ ਪਹੁੰਚ ਨੂੰ ਰੋਕਣ ਲਈ ਕੀਤੀ ਜਾਂਦੀ ਹੈ।

ਐਕਸਪ੍ਰੈੱਸ਼ਨ ਫੁੱਲ ਡਿਸਕ ਇਨਕ੍ਰਿਪਸ਼ਨ (ਐਫ. ਡੀ.ਈ.) ਜਾਂ ਪੂਰੀ ਡਿਸਕ ਇਨਕ੍ਰਿਪਸ਼ਨ ਇਹ ਦਰਸਾਉਂਦੀ ਹੈ ਕਿ ਡਿਸਕ ਦੀ ਹਰ ਚੀਜ ਚੰਗੀ ਤਰ੍ਹਾਂ ਇਨਕ੍ਰਿਪਟਡ ਹੈ, ਪਰ ਮਾਸਟਰ ਬੂਟ ਰਿਕਾਰਡ (ਐਮ. ਬੀ. ਆਰ.), ਜਿਸ ਨਾਲ ਓਪਰੇਟਿੰਗ ਸਿਸਟਮ ਦਾ ਲੋਡਿੰਗ ਕ੍ਰਮ ਸ਼ੁਰੂ ਹੁੰਦਾ ਹੈ, ਇਨਕ੍ਰਿਪਟਡ ਨਹੀਂ ਹੁੰਦਾ। ਕੁਝ ਹਾਰਡਵੇਅਰ ਅਧਾਰਤ ਫੁੱਲ ਡਿਸਕ ਇਨਕ੍ਰਿਪਸ਼ਨ ਸਿਸਟਮ ਐਮ. ਬੀ. ਆਰ. ਸਮੇਤ ਪੂਰੀ ਬੂਟ ਡਿਸਕ ਨੂੰ ਇੰਕ੍ਰਿਪਟ ਕਰ ਸਕਦੇ ਹਨ।

ਪਾਰਦਰਸ਼ੀ ਇਨਕ੍ਰਿਪਸ਼ਨ

ਪਾਰਦਰਸ਼ੀ ਇਨਕ੍ਰਿਪਸ਼ਨ, ਜਿਸ ਨੂੰ ਰੀਅਲ-ਟਾਈਮ ਇਨਕ੍ਰਿਪਸ਼ਨ ਅਤੇ ਆਨ-ਦਿ - ਫਲਾਈ ਇਨਕ੍ਰਿਪਸ਼ਨ ਵੀ ਕਿਹਾ ਜਾਂਦਾ ਹੈ, ਇੱਕ ਅਜਿਹਾ ਤਰੀਕਾ ਹੈ ਜੋ ਕੁਝ ਡਿਸਕ ਇਨਕ੍ਰਿਪਸ਼ਨ ਸਾੱਫਟਵੇਅਰ ਦੁਆਰਾ ਵਰਤਿਆ ਜਾਂਦਾ ਹੈ। "ਪਾਰਦਰਸ਼ੀ" ਇਸ ਤੱਥ ਨੂੰ ਦਰਸਾਉਂਦਾ ਹੈ ਕਿ ਡਾਟਾ ਆਪਣੇ ਆਪ ਇਨਕ੍ਰਿਪਟ ਜਾਂ ਡੀਕ੍ਰਿਪਟ ਹੁੰਦਾ ਹੈ ਜਦੋਂ ਇਹ ਲੋਡ ਹੁੰਦਾ ਹੈ।

ਪਾਰਦਰਸ਼ੀ ਇਨਕ੍ਰਿਪਸ਼ਨ ਨਾਲ, ਕੁੰਜੀ ਮੁਹੱਈਆ ਹੋਣ ਤੋਂ ਤੁਰੰਤ ਬਾਅਦ ਹੀ ਫਾਈਲਾਂ ਪਹੁੰਚਯੋਗ ਹੁੰਦੀਆਂ ਹਨ, ਅਤੇ ਪੂਰੀ ਵਾਲੀਅਮ ਖਾਸ ਤੌਰ ' ਤੇ ਇਸ ਤਰਾਂ ਮਾਊਂਟ ਕੀਤੀ ਜਾਂਦੀ ਹੈ ਜਿਵੇਂ ਇਹ ਇਕ ਭੌਤਿਕ ਡਰਾਈਵ ਹੈ। ਐਨਕ੍ਰਿਪਟਡ ਵਾਲੀਅਮ 'ਤੇ ਸਟੋਰ ਕੀਤਾ ਕੋਈ ਵੀ ਡਾਟਾ ਸਹੀ ਪਾਸਵਰਡ ਜਾਂ ਸਹੀ ਇਨਕ੍ਰਿਪਸ਼ਨ ਕੁੰਜੀਆਂ ਦੀ ਵਰਤੋਂ ਕੀਤੇ ਬਿਨਾਂ ਨਹੀਂ ਪੜ੍ਹਿਆ ਜਾ ਸਕਦਾ ਹੈ (ਡੀਕ੍ਰਿਪਟਡ) ,ਵਾਲੀਅਮ ਦੇ ਅੰਦਰ ਦਾ ਸਾਰਾ ਫਾਇਲ ਸਿਸਟਮ ਏਨਕ੍ਰਿਪਟਡ ਹੈ (ਫਾਈਲ ਦੇ ਨਾਮ, ਫੋਲਡਰ ਦੇ ਨਾਮ, ਫਾਈਲ ਸਮੱਗਰੀ ਅਤੇ ਹੋਰ ਮੈਟਾ ਡੇਟਾ ਸਮੇਤ ).

ਆਖਰੀ ਉਪਭੋਗਤਾ ਤੋਂ ਪਾਰਦਰਸ਼ੀ ਹੋਣ ਲਈ, ਪਾਰਦਰਸ਼ੀ ਐਨਕ੍ਰਿਪਸ਼ਨ ਨੂੰ ਅਕਸਰ ਐਨਕ੍ਰਿਪਸ਼ਨ ਪ੍ਰਕਿਰਿਆ ਨੂੰ ਸਮਰੱਥ ਬਣਾਉਣ ਲਈ ਡਿਵਾਈਸ ਡਰਾਈਵਰਾਂ ਦੀ ਵਰਤੋਂ ਦੀ ਲੋੜ ਹੁੰਦੀ ਹੈ। ਹਾਲਾਂਕਿ ਆਮ ਤੌਰ 'ਤੇ ਅਜਿਹੇ ਡਰਾਈਵਰ ਸਥਾਪਤ ਕਰਨ ਲਈ ਐਡਮਿਨਿਸਟ੍ਰੇਟਰ ਐਕਸੈਸ ਅਧਿਕਾਰ ਦੀ ਜਰੂਰਤ ਹੁੰਦੀ ਹੈ, ਐਨਕ੍ਰਿਪਟਡ ਵਾਲੀਅਮ ਆਮ ਤੌਰ' ਤੇ ਆਮ ਉਪਭੋਗਤਾ ਇਨ੍ਹਾਂ ਅਧਿਕਾਰਾਂ ਤੋਂ ਬਿਨਾਂ ਹੀ ਇਸਤੇਮਾਲ ਕਰ ਸਕਦੇ ਹਨ।

ਆਮ ਤੌਰ 'ਤੇ, ਹਰ ਤਰੀਕਾ ਜਿਸ ਵਿੱਚ ਡਾਟਾ ਨੂੰ ਸਹਿਜੇ ਹੀ ਲਿਖਣ' ਤੇ ਐਨਕ੍ਰਿਪਟ ਕੀਤਾ ਜਾਂਦਾ ਹੈ ਅਤੇ ਪੜ੍ਹਨ ਤੇ ਡੀਕ੍ਰਿਪਟ ਕੀਤਾ ਜਾਂਦਾ ਹੈ, ਇਸ ਤਰੀਕੇ ਨਾਲ ਉਪਭੋਗਤਾ ਅਤੇ / ਜਾਂ ਐਪਲੀਕੇਸ਼ਨ ਸਾੱਫਟਵੇਅਰ, ਪ੍ਰਕਿਰਿਆ ਤੋਂ ਅਣਜਾਣ ਰਹਿੰਦੇ ਹਨ। ਇਸ ਤਰੀਕੇ ਨੂੰ ਪਾਰਦਰਸ਼ੀ ਐਨਕ੍ਰਿਪਸ਼ਨ ਕਿਹਾ ਜਾ ਸਕਦਾ ਹੈ।

ਡਿਸਕ ਇਨਕ੍ਰਿਪਸ਼ਨ ਬਨਾਮ ਫਾਇਲ ਸਿਸਟਮ-ਪੱਧਰ ਦੀ ਇਕ੍ਰਿਪਸ਼ਨ

ਡਿਸਕ ਇਨਕ੍ਰਿਪਸ਼ਨ ਸਾਰੀਆਂ ਸਥਿਤੀਆਂ ਵਿੱਚ ਫਾਈਲ ਐਨਕ੍ਰਿਪਸ਼ਨ ਨੂੰ ਤਬਦੀਲ ਨਹੀਂ ਕਰਦੀ| ਕਈ ਵਾਰ ਡਿਸਕ ਇਨਕ੍ਰਿਪਸ਼ਨ ਨੂੰ ਵਧੇਰੇ ਸੁਰੱਖਿਅਤ ਸਥਾਪਨਾ ਪ੍ਰਦਾਨ ਕਰਨ ਦੇ ਇਰਾਦੇ ਨਾਲ ਫਾਈਲ ਸਿਸਟਮ-ਪੱਧਰ ਦੇ ਇਨਕ੍ਰਿਪਸ਼ਨ ਦੇ ਨਾਲ ਜੋੜ ਕੇ ਵਰਤਿਆ ਜਾਂਦਾ ਹੈ| ਕਿਉਕਿ ਡਿਸਕ ਇਨਕ੍ਰਿਪਸ਼ਨ ਆਮ ਤੌਰ ਤੇ ਸਾਰੀ ਡ੍ਰਾਇਵ ਨੂੰ ਏਨਕ੍ਰਿਪਟ ਕਰਨ ਲਈ ਉਹੀ ਕੁੰਜੀ (ਕੀ) ਦੀ ਵਰਤੋਂ ਕਰਦੀ ਹੈ, ਜਦੋਂ ਸਿਸਟਮ ਚੱਲਦਾ ਹੈ ਤਾਂ ਸਾਰਾ ਡਾਟਾ ਡਿਕ੍ਰਿਪਟ ਹੁੰਦਾ ਹੈ| ਹਾਲਾਂਕਿ, ਕੁਝ ਡਿਸਕ ਇਨਕ੍ਰਿਪਸ਼ਨ ਦੇ ਹੱਲ ਵੱਖ ਵੱਖ ਭਾਗਾਂ ਨੂੰ ਏਨਕ੍ਰਿਪਟ ਕਰਨ ਲਈ ਮਲਟੀਪਲ ਕੁੰਜੀਆਂ ਦੀ ਵਰਤੋਂ ਕਰਦੇ ਹਨ| ਜੇ ਹਮਲਾਵਰ ਰਨ-ਟਾਈਮ ਦੌਰਾਨ ਕੰਪਿਊਟਰ ਤੱਕ ਪਹੁੰਚ ਪ੍ਰਾਪਤ ਕਰ ਲੈਂਦਾ ਹੈ, ਤਾਂ ਹਮਲਾਵਰ ਕੋਲ ਸਾਰੀਆਂ ਫਾਈਲਾਂ ਤੱਕ ਦੀ ਪਹੁੰਚ ਹੁੰਦੀ ਹੈ| ਰਸਮੀ ਫਾਈਲ ਅਤੇ ਫੋਲਡਰ ਇਨਕ੍ਰਿਪਸ਼ਨ ਡਿਸਕ ਦੇ ਵੱਖ-ਵੱਖ ਹਿੱਸਿਆਂ ਲਈ ਵੱਖ-ਵੱਖ ਕੁੰਜੀਆਂ ਦੀ ਆਗਿਆ ਦਿੰਦੀ ਹੈ| ਇਸ ਤਰ੍ਹਾਂ ਹਮਲਾਵਰ ਅਜੇ ਵੀ ਇਨਕ੍ਰਿਪਟਡ ਫਾਈਲਾਂ ਅਤੇ ਫੋਲਡਰਾਂ ਤੋਂ ਜਾਣਕਾਰੀ ਨਹੀਂ ਕੱਢ ਸਕਦਾ|