ਤਾਰਿਕਾ ਬਾਨੋ

ਤਾਰਿਕਾ ਬਾਨੋ ਪਹਿਲੀ ਰਜਿਸਟਰਡ ਟਰਾਂਸਜੈਂਡਰ ਹੈ ਜਿਸ ਨੇ ਤਾਮਿਲਨਾਡੂ ਵਿੱਚ ਆਪਣੀ ਸੈਕੰਡਰੀ ਸਿੱਖਿਆ ਪੂਰੀ ਕੀਤੀ ਹੈ। ਇਸ ਤੋਂ ਪਹਿਲਾਂ ਉਸ ਨੂੰ ਸਕੂਲ ਵਿੱਚ ਦਾਖਲਾ ਦੇਣ ਤੋਂ ਇਨਕਾਰ ਕਦ ਦਿੱਤਾ ਗਿਆ ਪਰ ਉਸ ਦੀ ਮਾਂ ਗ੍ਰੇਸ ਬਾਨੋ ਨੇ ਮਦਰਾਸ ਹਾਈ ਕੋਰਟ ਵਿੱਚ ਇੱਕ ਕੇਸ ਦਾਇਰ ਕਰਕੇ ਉਸ ਲਈ ਲੜਾਈ ਲੜੀ।

ਜੀਵਨ ਅਤੇ ਸਿੱਖਿਆ

2013 ਵਿੱਚ ਤਾਰਿਕਾ ਨੇ ਮਹਿਸੂਸ ਕਰਨਾ ਸ਼ੁਰੂ ਕੀਤਾ ਕਿ ਉਹ ਕੁੜੀਆਂ ਵਿੱਚ ਵਧੇਰੇ ਸਹਿਜ ਮਹਿਸੂਸ ਕਰਦੀ ਹੈ ਅਤੇ ਮੁੰਡਿਆਂ ਦੇ ਸਕੂਲ ਵਿੱਚ ਪੜਨਾ ਉਸ ਲਈ ਇੱਕ ਮੁਸ਼ਕਿਲ ਕੰਮ ਸੀ। ਇਸ ਲਈ ਉਹ ਆਪਣੇ ਥੂਟਕੁੜੀ ਜਿਲੇ ਤੋਂ ਭੱਜ ਕੇ ਚੇਨਈ ਚਲੀ ਗਈ। ਉਥੇ ਉਸਨੂੰ ਗਰੇਸ ਬਾਨੋ ਨੇ ਗੋਦ ਲੈ ਲਿਆ। ਗਰੇਸ ਨੇ ਉਸਨੂੰ ਨਵੀਂ ਲਿੰਗਕ ਪਛਾਣ, ਨਵਾਂ ਨਾਮ ਅਤੇ ਲਿੰਗ-ਬਦਲ ਆਪਰੇਸ਼ਨ ਕਰਵਾਉਣ ਵਿੱਚ ਵੀ ਮਦਦ ਕੀਤੀ। ਅਜਿਹਾ ਕਰਨ ਮਗਰੋਂ ਤਾਰਿਕਾ ਨੇ ਆਪਣੀ ਜਿੰਦਗੀ ਨੂੰ ਨਵੇਂ ਸਿਰਿਉਂ ਜੀਣਾ ਸ਼ੁਰੂ ਕੀਤਾ ਅਤੇ ਆਪਣੀ ਪੜ੍ਹਾਈ ਮੁਕੰਮਲ ਕੀਤੀ।