ਨਾਸਿਰ ਜਮਸ਼ੇਦ

ਨਾਸਿਰ ਜਮਸ਼ੇਦ (ਅੰਗਰੇਜ਼ੀ: Nasir Jamshed) (ਉਰਦੂ: ناصر جمشید ; ਜਨਮ 06 ਦਸੰਬਰ 1989) ਇੱਕ ਅੰਤਰਰਾਸ਼ਟਰੀ ਕ੍ਰਿਕਟ ਖਿਡਾਰੀ ਹੈ ਜੋ ਪਾਕਿਸਤਾਨ ਕ੍ਰਿਕਟ ਟੀਮ ਵਿੱਚ ਟੈਸਟ ਕ੍ਰਿਕਟ, ਇੱਕ ਦਿਨਾ ਅੰਤਰਰਾਸ਼ਟਰੀ ਕ੍ਰਿਕਟ ਅਤੇ ਟਵੰਟੀ ਟਵੰਟੀ ਕ੍ਰਿਕਟ ਖੇਡਦੇ ਹਨ।

ਨਾਸਿਰ ਜਮਸ਼ੇਦ ਖੱਬੇ ਹੱਥ ਦੇ ਇੱਕ ਸ਼ੁਰੂਆਤੀ ਕ੍ਰਮ ਦੇ ਬੱਲੇਬਾਜ ਹਨ ਭਾਵ ਕਿ ਟੀਮ ਦੇ ਓਪਨਰ ਬੱਲੇਬਾਜ਼ ਹੈ।

ਜੀਵਨ

ਪਹਿਲਾ ਦਰਜਾ ਕ੍ਰਿਕਟ ਕੈਰੀਅਰ

ਨਾਸਿਰ ਜਮਸ਼ੇਦ ਨੇ ਆਪਣਾ ਪਹਿਲਾ ਇੱਕ ਦਿਨਾਂ ਕ੍ਰਿਕਟ ਮੁਕਾਬਲਾ 15 ਸਾਲ ਦੀ ਉਮਰ ਵਿੱਚ ਖੇਡਿਆ ਸੀ ਅਤੇ ਫਿਰ ਤੁਰੰਤ ਪਾਕਿਸਤਾਨ ਅੰਡਰ-19 ਕ੍ਰਿਕਟ ਟੀਮ ਵਿੱਚ ਚੁਣਿਆ ਗਿਆ। ਨਾਸਿਰ ਨੂੰ ਉਸ ਵਕਤ ਸ਼੍ਰੀਲੰਕਾ ਦੇ ਖਿਲਾਫ ਦੇ ਲੜੀ ਲਈ ਚੁਣਿਆ ਗਿਆ ਅਤੇ ਇਹ ਚੋਣਕਰਤਿਆਂ ਦੀ ਚੋਣ ਉੱਤੇ ਖਰੇ ਉਤਰੇ ਅਤੇ ਦੂਜੀ ਪਾਰੀ ਵਿੱਚ ਜਬਰਦਸਤ 204 ਰਨਾਂ ਦੀ ਪਾਰੀ ਖੇਡੀ ਜੋ ਕਿ ਇਨ੍ਹਾਂ ਦਾ ਪਹਿਲਾ ਅੰਡਰ-19 ਵਿੱਚ ਇੱਕ ਦਿਨਾਂ ਕ੍ਰਿਕਟ ਦਾ ਮੈਚ ਸੀ। ਇਨ੍ਹਾਂ ਨੇ ਆਪਣੇ ਘਰੇਲੂ ਟਵੰਟੀ-ਟਵੰਟੀ ਕ੍ਰਿਕਟ ਦੀ ਸ਼ੁਰੂਆਤ ਅਪ੍ਰੈਲ 2005 ਵਿੱਚ ਲਾਹੌਰ ਲਾਇਨਜ਼ ਦੇ ਵੱਲੋਂ ਕੀਤੀ ਸੀ, ਇਹ ਉਸ ਵਕਤ ਈ.ਐਸ.ਪੀ.ਐਨ ਦੀ ਰਿਪੋਰਟ ਦੇ ਅਨੁਸਾਰ ਸਭ ਤੋਂ ਛੋਟੇ ਖਿਡਾਰੀ ਸਨ ਜੋ ਕਿ ਸਿਰਫ਼ 15 ਸਾਲ ਅਤੇ 140 ਦਿਨਾਂ ਦੇ ਸਨ।

2005-06 ਵਿੱਚ ਕੈਦ-ਏ-ਆਜ਼ਮ ਟਰਾਫੀ ਲੜੀ ਵਿੱਚ ਲਗਭਗ 800 ਰਨ ਬਣਾਏ ਅਤੇ ਜ਼ਿੰਬਾਬਵੇ ਕ੍ਰਿਕਟ ਟੀਮ ਦੇ ਖਿਲਾਫ ਇੱਕ ਲੜੀ ਵਿੱਚ ਫਿਰ ਇਹਨਾਂ ਦੀ ਚੋਣ ਹੋ ਗਈ।

ਉਸ ਸਮੇਂ ਇਨ੍ਹਾਂ ਨੇ 182 ਰਨ ਬਣਾਏ ਅਤੇ ਇੱਕ ਹਫ਼ਤੇ ਬਾਅਦ ਪਾਕਿਸਤਾਨ ਕ੍ਰਿਕਟ ਟੀਮ ਲਈ ਇੱਕ ਦਿਨਾ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵੀ ਚੋਣ ਹੋ ਗਈ।

ਅੰਤਰਰਾਸ਼ਟਰੀ ਕ੍ਰਿਕਟ ਕੈਰੀਅਰ

ਨਾਸਿਰ ਆਪਣੇ ਅੰਤਰਰਾਸ਼ਟਰੀ ਕੈਰੀਅਰ ਦੀ ਜ਼ਿੰਬਾਬਵੇ ਕ੍ਰਿਕਟ ਟੀਮ ਦੇ ਖਿਲਾਫ ਸੀ ਉਸ ਸਮੇਂ ਇਨ੍ਹਾਂ ਨੇ ਓਪਨਿੰਗ ਕਰਦੇ ਹੋਏ ਧੁੰਆਧਾਰ 48 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 61 ਰਨ ਬਣਾਏ ਸਨ ਅਤੇ ਮੈਨ ਆਫ ਦ ਮੈਚ ਵੀ ਬਣੇ ਸਨ। ਨਾਸਿਰ ਨੇ ਆਪਣੇ ਦੂੱਜੇ ਇੱਕਦਿਨਾ ਮੁਕਾਬਲੇ ਵਿੱਚ ਵੀ ਚੰਗੀ ਨੁਮਾਇਸ਼ ਕੀਤੀ ਅਤੇ ਸਿਰਫ਼ 64 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 74 ਰਨਾਂ ਦੀਆਂ ਪਾਰੀ ਖੇਡੀ ਸੀ। ਇਸਦੇ ਨਾਲ ਹੀ ਇਹ ਪਹਿਲਾਂ ਪਾਕਿਸਤਾਨੀ ਕ੍ਰਿਕਟਰ ਬਣ ਗਏ ਜਿਹਨਾਂ ਨੇ ਆਪਣੇ ਪਹਿਲਾਂ ਅਤੇ ਦੂਜੇ ਦੋਨਾਂ ਮੈਚਾਂ ਵਿੱਚ ਲਗਾਤਾਰ ਅਰਧਸੈਂਕੜੇ ਬਣਾਏ ਸਨ।

2008 ਏਸ਼ੀਆ ਕੱਪ ਵਿੱਚ ਜਮਸ਼ੇਦ ਨੇ ਇੱਕ ਵਾਰ ਫਿਰ ਲਗਾਤਾਰ ਦੋ ਅਰਧਸੈਂਕੜੇ ਲਗਾਏ, ਜਿਸ ਵਿੱਚ 53 ਰਨ ਭਾਰਤ ਦੇ ਖਿਲਾਫ ਅਤੇ ਦੂਜਾ ਅਰਧਸੈਂਕੜਾ ਬੰਗਲਾਦੇਸ਼ ਦੇ ਖਿਲਾਫ ਨੈਸ਼ਨਲ ਕ੍ਰਿਕਟ ਗਰਾਉਂਡ, ਕਰਾਚੀ ਵਿਖੇ ਬਣਾਇਆ ਜਿਸ ਵਿੱਚ ਨਾਬਾਦ ਰਹਿੰਦੇ ਹੋਏ 52 ਰਨਾਂ ਦੀ ਪਾਰੀ ਖੇਡੀ ਸੀ। ਆਪਣੀ ਚੰਗੀ ਨੁਮਾਇਸ਼ ਦੇ ਕਾਰਨ ਇਹ ਸਭ ਤੋਂ ਚੰਗੇ ਪਾਕਿਸਤਾਨ ਕ੍ਰਿਕੇਟ ਟੀਮ ਦੇ ਓਪਨਰ ਜਾਣੇ ਜਾਣ ਲੱਗੇ।