ਨਿਰੰਜਨ ਸਿੰਘ ਨੂਰ

ਨਿਰੰਜਨ ਸਿੰਘ ਨੂਰ (6 ਜਨਵਰੀ 1933 - 3 ਜੂਨ 1999) ਉਘੇ ਪੰਜਾਬੀ ਕਵੀ ਸਨ। ਉਹ ਬਰਤਾਨੀਆ ਵਾਸੀ ਸਨ।

ਪੁਸਤਕਾਂ

• ਮੁਕਤੀ (ਕਾਵਿ ਸੰਗ੍ਰਹਿ, 1963)
• ਨੂਰ ਦਾ ਜਾਮ (ਕਾਵਿ ਸੰਗ੍ਰਹਿ, 1971)
• ਹੋ-ਚੀ-ਮਿੰਨ (ਮਹਾਕਾਵਿ, 1974)
• ਹਯਾਤੀ ਦੀ ਹੂਕ (ਕਾਵਿ ਸੰਗ੍ਰਹਿ, 1987)
• ਹੜੱਪਾ ਤੋਂ ਹੀਰੋਸੀਮਾ ਵੱਲ (ਲੰਮੀ ਨਜ਼ਮ, 1991)
• ਓਜੋਨ ਦੀ ਅੱਖ (ਗ਼ਜ਼ਲ ਸੰਗ੍ਰਹਿ, 1987)

ਕਾਵਿ-ਨਮੂਨਾ

                      ਗ਼ਜ਼ਲ
ਨਸ਼ਤਰ ਕਿਨੇ ਚਭੋਇਆ, ਮੇਰਾ ਦਿਲ ਹੀ ਜਾਣਦਾ ਏ !!
ਕਿਸ ਕਿਸ ਨੇ ਜ਼ਖ਼ਮ ਧੋਇਆ, ਮੇਰਾ ਦਿਲ ਹੀ ਜਾਣਦਾ ਏ !!
ਰੀਝਾਂ ਕੁਆਰੀਆਂ ਦਾ, ਆਸਾਂ ਵਿਚਾਰੀਆਂ ਦਾ,
ਕਿੰਨਾ ਕੁ ਖ਼ੂਨ ਹੋਇਆ, ਮੇਰਾ ਦਿਲ ਹੀ ਜਾਣਦਾ ਏ !!
ਅੱਖੀਆਂ ਨੂੰ ਕੀ ਪਤਾ ਹੈ, ਇਸ ਚੰਦਰੇ ਸਮੇਂ ਤੋਂ,
ਕਿੰਨਾ ਕੁ ਗਮ ਲਕੋਇਆ, ਮੇਰਾ ਦਿਲ ਹੀ ਜਾਣਦਾ ਏ !!
ਇਹ ਜ਼ਿੰਦਗੀ ਦਾ ਰਾਹੀ, ਕਿੱਥੋਂ ਕੁ ਚੱਲਿਆ ਏ ?
ਕਿਥੇ ਕੁ ਆ ਖਲੋਇਆ, ਮੇਰਾ ਦਿਲ ਹੀ ਜਾਣਦਾ ਏ!!
ਕੁਦਰਤ ਕੁੜੀ ਨੇ ਆ ਕੇ, ਇਕ ਦਰਦ ਜ਼ਿੰਦਗੀ ਦਾ,
ਮੇਰੇ ਦਿਲ ਚ ਕਿਉਂ ਪ੍ਰੋਇਆ, ਮੇਰਾ ਦਿਲ ਹੀ ਜਾਣਦਾ ਏ!!
ਕੀ ਮੁੱਲ ਚਾਨਣੀ ਦਾ ? ਕੀ ਭੇਤ ਜ਼ਿੰਦਗੀ ਦਾ ?
ਨੀਂ ਜਿੰਦੜੀਏ ! ਇਹ ਮੋਇਆ ਮੇਰਾ ਦਿਲ ਹੀ ਜਾਣਦਾ ਏ!!
ਸਭਿਅਤਾ ਦੇ ਮੋਢਿਆ ਤੇ ਅਰਥੀ ਖੁਸ਼ੀ ਦੀ ਨਿੱਕਲੀ,
ਪਰ ਕੌਣ ਕੌਣ ਰੋਇਆ, ਮੇਰਾ ਦਿਲ ਹੀ ਜਾਣਦਾ ਏ !!

ਬਾਹਰੀ ਸਰੋਤ

• ਗੋਰੀ ਕਾਲਖ਼
• ਨਿਰੰਜਨ ਸਿੰਘ ਨੂਰ ਆਪਣੀ ਕਵਿਤਾ ਪੜ੍ਹਦੇ ਹੋਏ