ਬਲੈਕਸ਼ਰਟਸ (ਭਾਰਤ)

ਬਲੈਕਸ਼ਰਟਸ ਤਾਮਿਲਨਾਡੂ ਵਿੱਚ ਧਰਮ-ਵਿਰੋਧੀ, ਨਾਸਤਿਕ ਅਰਧ-ਸਿਆਸੀ ਸੰਗਠਨ ਦ੍ਰਾਵਿੜ ਕੜਗਮ ਦੇ ਮੈਂਬਰ ਹਨ, ਜਿਸਦੀ ਸਥਾਪਨਾ "ਪੇਰੀਆਰ" ਈਵੀ ਰਾਮਾਸਾਮੀ ਨੇ ਕੀਤੀ ਸੀ। ਪੇਰੀਆਰ ਤਾਮਿਲ ਸਮਾਜ ਵਿੱਚ ਪ੍ਰਚਲਿਤ ਜਾਤੀ ਭਾਵਨਾਵਾਂ ਅਤੇ ਅੰਧਵਿਸ਼ਵਾਸਾਂ ਨੂੰ ਉਖਾੜ ਸੁੱਟਣਾ ਚਾਹੁੰਦਾ ਸੀ। ਇਸ ਲਈ ਅੰਧਵਿਸ਼ਵਾਸ ਨਾਲ ਲੜਨ ਲਈ, ਉਸਨੇ ਕਾਲੀ ਕਮੀਜ਼ ਦੀ ਚੋਣ ਕੀਤੀ। ਉਦੋਂ ਤੋਂ ਦ੍ਰਾਵਿੜ ਅੰਦੋਲਨ ਦੇ ਕਾਡਰ ਇਸਦਾ ਪਾਲਣ ਕਰਦੇ ਹਨ। ਇਸ ਦਾ ਮੁੱਢ ਤਾਮਿਲਨਾਡੂ ਵਿੱਚ ਰੋਸ ਵਜੋਂ ਕਾਲੇ ਝੰਡੇ ਚੁੱਕਣ 'ਤੇ ਪਾਬੰਦੀ ਲਾਉਣ ਤੋਂ ਹੋਇਆ ਹੈ। ਇਸ ਪਾਬੰਦੀ ਨੂੰ ਬੇਅਸਰ ਕਰਨ ਲਈ ਮੈਂਬਰਾਂ ਨੇ ਕਾਲੀਆਂ ਕਮੀਜ਼ਾਂ ਪਾਈਆਂ। ਕਾਲੀਆਂ ਕਮੀਜ਼ਾਂ ਅਤੇ ਕਾਲੇ ਝੰਡਿਆਂ ਨੂੰ ਵੀ 20ਵੀਂ ਸਦੀ ਦੇ ਸ਼ੁਰੂ ਵਿੱਚ ਦੱਖਣੀ ਭਾਰਤ ਵਿੱਚ ਖਾਸ ਕਰਕੇ ਤਾਮਿਲਨਾਡੂ ਵਿੱਚ ਅਰਾਜਕਤਾ ਦੇ ਪ੍ਰਤੀਕ ਵਜੋਂ ਦੇਖਿਆ ਜਾਂਦਾ ਸੀ।