ਮਾਲਤੀ ਰਾਓ
ਮਾਲਤੀ ਰਾਓ ( Kannada: ಮಾಲತಿ ರಾವ್ ) ਇੱਕ ਭਾਰਤੀ ਲੇਖਕ ਹੈ। ਉਸਨੇ ਆਪਣੇ ਅੰਗਰੇਜ਼ੀ ਭਾਸ਼ਾ ਦੇ ਨਾਵਲ ਡਿਸਆਰਡਰਲੀ ਵੂਮੈਨ ਲਈ 2007 ਵਿੱਚ ਕੇਂਦਰੀ ਸਾਹਿਤ ਅਕਾਦਮੀ ਪੁਰਸਕਾਰ ਜਿੱਤਿਆ। [2]
ਮਾਲਤੀ ਰਾਓ | |
|---|---|
| ਜਨਮ | ਬੰਗਲੌਰ,[1] ਕਰਨਾਟਕ, ਭਾਰਤ |
| ਕਿੱਤਾ | ਲੇਖਕ |
| ਰਾਸ਼ਟਰੀਅਤਾ | ਭਾਰਤੀ |
| ਸ਼ੈਲੀ | ਗਲਪ |
| ਪ੍ਰਮੁੱਖ ਕੰਮ | ਡਿਸਆਰਡਰਲੀ ਵੂਮੈਨ |
| ਪ੍ਰਮੁੱਖ ਅਵਾਰਡ | ਸਾਹਿਤ ਅਕਾਦਮੀ ਇਨਾਮ |
ਸ਼ੁਰੂਆਤੀ ਜ਼ਿੰਦਗੀ ਅਤੇ ਪਿਛੋਕੜ
ਸੋਧੋਮਾਲਤੀ ਰਾਓ ਦਾ ਜਨਮ (ਅਪ੍ਰੈਲ 1930) ਬੰਗਲੌਰ, ਕਰਨਾਟਕ ਵਿੱਚ ਚੇਨਨਾਗਿਰੀ ਪਦਮਨਾਭ ਰਾਓ ਅਤੇ ਸ਼੍ਰੀਮਤੀ ਪਦਮਾਵਤੀ ਦੇ ਘਰ ਹੋਇਆ ਸੀ। ਉਹ ਪੰਜ ਭੈਣਾਂ ਵਿਚੋਂ ਸਭ ਤੋਂ ਵੱਡੀ ਹੈ। ਉਸਦਾ ਇਕ ਵੱਡਾ ਭਰਾ ਅਤੇ ਦੋ ਛੋਟੇ ਭਰਾ ਹਨ। ਇੱਕ ਜਵਾਨ ਲੜਕੀ ਦੇ ਰੂਪ ਵਿੱਚ, ਰਾਓ ਜੇਨ ਔਸਟਨ, ਬ੍ਰੋਂਟੀ ਭੈਣਾਂ ਅਤੇ ਲੂਈਸਾ ਮੇਅ ਅਲਕੋਟ ਦੀਆਂ ਲਿਖਤਾਂ ਤੋਂ ਪ੍ਰੇਰਿਤ ਹੋਈ। ਉਸ ਨੂੰ ਹਮੇਸ਼ਾਂ ਲਿਖਣ ਦਾ ਸ਼ੌਕ ਸੀ ਅਤੇ ਬੰਗਲੌਰ ਅਤੇ ਮੈਸੂਰ ਦੀਆਂ ਯੂਨੀਵਰਸਿਟੀਆਂ ਵਿੱਚ ਅੰਗ੍ਰੇਜ਼ੀ ਸਾਹਿਤ ਦੀ ਪੜ੍ਹਾਈ ਕੀਤੀ। ਉਹ ਉੱਚ ਪੱਧਰੀ ਪੜ੍ਹਾਈ ਨਾਲ ਲੈਸ ਸੁਤੰਤਰ ਕੰਮ ਕਰਨ ਵਾਲੀ ਔਰਤ ਵਜੋਂ, ਆਪਣੇ ਸਮੇਂ ਦੀ ਨਵੀਂ ਪੀੜ੍ਹੀ ਦੀ ਪ੍ਰਤੀਕ ਸੀ। ਉਹ ਵਿਜੇ ਕਾਲਜ, ਬੰਗਲੌਰ ਵਿੱਚ ਇੱਕ ਅੰਗਰੇਜ਼ੀ ਲੈਕਚਰਾਰ ਸੀ ਅਤੇ ਪ੍ਰਸਿੱਧ ਪ੍ਰੋ. ਵੀ ਟੀ ਸਰੀਨੀਵਾਸਨ ਕਾਲਜ ਦਾ ਪ੍ਰਿੰਸੀਪਲ ਅਤੇ ਵਿਭਾਗ ਦਾ ਮੁਖੀ ਸੀ। ਰਾਓ ਨੇ ਆਪਣੇ ਅਧਿਆਪਨ ਦੇ ਕੈਰੀਅਰ ਦਾ ਇਕ ਵੱਡਾ ਹਿੱਸਾ ਦਿੱਲੀ ਵਿਚ ਬਿਤਾਇਆ। ਉਸਨੇ ਮਿਰਾਂਡਾ ਹਾਊਸ, ਦਿੱਲੀ ਯੂਨੀਵਰਸਿਟੀ ਵਿੱਚ ਅੰਗਰੇਜ਼ੀ ਸਾਹਿਤ ਪੜ੍ਹਾਇਆ। ਉਸ ਦੇ ਸਹਿਕਰਮੀ ਅਤੇ ਵਿਦਿਆਰਥੀ ਉਸ ਨਾਲ ਬਹੁਤ ਸਤਿਕਾਰ ਅਤੇ ਪਿਆਰ ਨਾਲ ਪੇਸ਼ ਆਉਂਦੇ ਸੀ। ਜਦੋਂ ਤਕ ਉਹ ਨੱਬੇ ਦੇ ਦਹਾਕੇ ਦੇ ਅੱਧ ਵਿੱਚ ਬੰਗਲੌਰ ਵਾਪਸ ਨਹੀਂ ਚਲੀ ਗਈ, ਉਦੋਂ ਤੱਕ ਦਿੱਲੀ ਉਸਦਾ ਘਰ ਸੀ। ਬੰਗਲੌਰ ਵਿੱਚ ਆ ਕੇ ਉਸਨੇ ਆਪਣੇ ਲੇਖਕ ਜੀਵਨ ਤੇ ਧਿਆਨ ਕੇਂਦਰਤ ਕੀਤਾ।
ਰਾਓ ਯਾਤਰਾ ਦਾ ਅਨੰਦ ਲੈਂਦੀ ਹੈ ਅਤੇ ਉਸ ਨੇ ਪੂਰੀ ਦੁਨੀਆ ਦੀ ਯਾਤਰਾ ਕੀਤੀ ਹੈ। ਉਹ ਇਸ ਸਮੇਂ ਬੰਗਲੌਰ ਵਿੱਚ ਰਹਿੰਦੀ ਹੈ।
ਰਚਨਾਵਾਂ
ਸੋਧੋਮਾਲਤੀ ਰਾਓ ਨੇ ਤਿੰਨ ਨਾਵਲ, ਤਿੰਨ ਛੋਟੀਆਂ ਕਹਾਣੀਆਂ ਦੇ ਸੰਗ੍ਰਹਿ ਅਤੇ ਅਖਬਾਰਾਂ ਦੇ ਅਨੇਕਾਂ ਲੇਖ ਲਿਖੇ ਹਨ। [3] "ਪੁਲ," ". . . ਅਤੇ ਬਨਾਰਸ ਵਿੱਚ ਗੰਗਾ ਵਗਦੀ ਹੈ," ਅਤੇ "ਇੱਕ ਕਾਫੀ ਲਈ ਆਓ. . . ਕ੍ਰਿਪਾ ਕਰਕੇ," ਉਸ ਦੀਆਂ ਮਸ਼ਹੂਰ ਰਚਨਾਵਾਂ ਵਿੱਚੋਂ ਕੁਝ ਹਨ।
ਉਹ 2007 ਵਿੱਚ ਪ੍ਰਕਾਸ਼ਤ ਹੋਏ ਆਪਣੇ ਨਾਵਲ ‘ਡਿਸਆਰਡਰਲੀ ਵੂਮੈਨ’ ਨਾਲ ਮਸ਼ਹੂਰ ਹੋਈ। ਉਸਨੇ ਸਾਹਿਤ ਅਕਾਦਮੀ ਪੁਰਸਕਾਰ ਜਿੱਤਿਆ। ‘ਡਿਸਆਰਡਰਲੀ ਵੂਮੈਨ' ਭਾਰਤ ਵਿਚ (ਆਜ਼ਾਦੀ ਤੋਂ ਪਹਿਲਾਂ) ਚਾਰ ਬ੍ਰਾਹਮਣ ਔਰਤਾਂ ਦੀ ਕਹਾਣੀ ਹੈ ਜੋ ਸਮਾਜ ਦੁਆਰਾ ਉਨ੍ਹਾਂ ਦੇ ਆਲੇ ਦੁਆਲੇ ਵਲੀਆਂ ਰੁਕਾਵਟਾਂ ਨੂੰ ਤੋੜਨ ਲਈ ਸੰਘਰਸ਼ ਕਰਦੀਆਂ ਹਨ।
ਰਾਓ ਦਾ ਅਗਲਾ ਨਾਵਲ ਬੇਸਬਰੀ ਨਾਲ ਉਡੀਕਿਆ ਜਾ ਰਿਹਾ ਹੈ ਅਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ 2013 ਵਿੱਚ ਪ੍ਰਕਾਸ਼ਤ ਹੋਵੇਗਾ। ਇਸਦਾ ਇਸ ਵੇਲੇ ਸਿਰਲੇਖ ਇਨਕੁਇਜੀਸ਼ਨ ਰੱਖਿਆ ਗਿਆ ਹੈ।
ਹਵਾਲੇ
ਸੋਧੋ- ↑ "ਪੁਰਾਲੇਖ ਕੀਤੀ ਕਾਪੀ". Archived from the original on 2011-06-06. Retrieved 2019-12-02.
{{cite web}}: Unknown parameter|dead-url=ignored (|url-status=suggested) (help) - ↑ http://www.sahitya-akademi.gov.in/old_version/awa10304.htm#english Archived 11 June 2010 at the Wayback Machine.
- ↑ "ਪੁਰਾਲੇਖ ਕੀਤੀ ਕਾਪੀ". Archived from the original on 2008-03-14. Retrieved 2019-12-02.
{{cite web}}: Unknown parameter|dead-url=ignored (|url-status=suggested) (help)