ਸੋਹਚੀ ਗੋਮੇਜ਼

ਸੋਹਚੀ ਗੋਮੇਜ਼ ਇੱਕ ਅਮਰੀਕੀ ਅਦਾਕਾਰਾ ਹੈ। ਉਸਨੂੰ ਮਾਰਵਲ ਸਿਨੇਮੈਟਿਕ ਯੁਨੀਵਰਸ ਦੀ ਫ਼ਿਲਮ ਡੌਕਟਰ ਸਟ੍ਰੇਂਜ ਇਨ ਦ ਮਲਟੀਵਰਸ ਔਫ਼ ਮੈਡਨੈੱਸ ਵਿੱਚ ਅਮੈਰਿਕਾ ਚੈਵੇਜ਼ ਦਾ ਕਿਰਦਾਰ ਨਿਭਾਉਣ ਲਈ ਜਾਣਿਆ ਜਾਂਦਾ ਹੈ। ਇਸਦੇ ਨਾਲ਼-ਨਾਲ਼ ਉਸਨੇ ਨੈੱਟਫ਼ਲਿਕਸ ਦੀ ਦ ਬੇਬੀ-ਸਿੱਟਰਜ਼ ਕਲੱਬ ਲੜ੍ਹੀ ਵਿੱਚ ਡੌਨ ਛੈੱਫਰ ਦਾ ਕਿਰਦਾਰ ਵੀ ਕੀਤਾ ਹੈ।

ਸੋਹਚੀ ਗੋਮੇਜ਼
ਤਸਵੀਰ:ਗੋਮੇਜ਼ 2022 ਵਿੱਚ
ਜਨਮ	29 ਅਪ੍ਰੈਲ, 2006 ਲੌਸ ਐਂਜੇਲਸ, ਕੈਲੀਫ਼ੋਰਨੀਆ, ਸੰਯੁਕਤ ਰਾਜ ਅਮਰੀਕਾ
ਪੇਸ਼ਾ	ਅਦਾਕਾਰਾ
ਸਰਗਰਮੀ ਦੇ ਸਾਲ	2016 - ਹੁਣ ਤੱਕ

ਮੁੱਢਲਾ ਜੀਵਨ

ਗੋਮੇਜ਼ ਦਾ ਜਨਮ ਲੌਸ ਐਂਜੇਲਸ, ਕੈਲੀਫ਼ੋਰਨੀਆ ਵਿੱਚ ਇੱਕ ਮੈਕਸੀਕਨ ਟੱਬਰ ਵਿੱਚ ਹੋਇਆ। ਉਸਦੇ ਸੋਹਚੀ ਨਾਂਅ ਦਾ ਨਾਹੁਆਟਲ ਬੋਲੀ ਵਿੱਚ ਮਤਲਬ "ਫੁੱਲ" ਹੁੰਦਾ ਹੈ।

ਕਰੀਅਰ

ਗੋਮੇਜ਼ ਜਦੋਂ 5 ਵਰ੍ਹਿਆਂ ਦੀ ਸੀ ਤਾਂ ਉਸਨੇ ਅਦਾਕਾਰੀ ਵਿੱਚ ਪੈਰ ਧਰਿਆ। ਦ ਬੈਬੀ ਸਿੱਟਰਜ਼ ਕਲੱਬ ਵਿੱਚ ਡੌਨ ਛੈੱਫਰ ਦਾ ਕਿਰਦਾਰ ਕਰਨ ਤੋਂ ਪਹਿਲਾਂ ਉਹ ਕਈ ਹੋਰ ਟੀਵੀ ਲੜ੍ਹੀਆਂ ਵਿੱਚ ਵੀ ਵੇਖਣ ਨੂੰ ਮਿਲੀ ਜਿਵੇਂ ਕਿ: ਜੈਂਟਫ਼ੀਡ, ਰੇਵੰਜ਼ ਹੋਮ, ਅਤੇ ਯੂ ਆਰ ਦ ਵੱਰਸਟ। 2020 ਵਿੱਚ, ਗੋਮੇਜ਼ ਨੂੰ ਸ਼ੈਡੋ ਵੁਲਵਜ਼ ਫਿਲਮ ਲਈ ਯੰਗ ਆਰਟਿਸਟ ਅਵਾਰਡ ਮਿਲਿਆ। ਕੁੱਝ ਸਮੇਂ ਬਾਅਦ ਇਹ ਵੀ ਐਲਾਨ ਹੋਇਆ ਕਿ ਗੋਮੇਜ਼, ਡੌਕਟਰ ਸਟ੍ਰੇਂਜ ਇਨ ਦ ਮਲਟੀਵਰਸ ਔਫ਼ ਮੈਡਨੈੱਸ ਵਿੱਚ ਅਮੈਰਿਕਾ ਚੈਵੇਜ਼ ਦਾ ਕਿਰਦਾਰ ਕਰੇਗੀ। ਮਾਰਚ 2021 ਵਿੱਚ, ਨੈੱਟਫਲਿਕਸ ਨੂੰ ਦ ਬੇਬੀ ਸਿੱਟਰਜ਼ ਕਲੱਬ ਵਿੱਚ ਡੌਨ ਛੈੱਫਰ ਦੇ ਲਈ ਕੋਈ ਨਵੀਂ ਅਦਾਕਾਰਾ ਲੱਭਣੀ ਪਈ, ਕਿਉਂਕਿ ਗੋਮੇਜ਼ ਉਸ ਵੇਲੇ ਡੌਕਟਰ ਸਟ੍ਰੇਂਜ ਇਨ ਦ ਮਲਟੀਵਰਸ ਔਫ਼ ਮੈਡਨੈੱਸ ਦੇ ਫਿਲਮਾਂਕਣ ਵਿੱਚ ਰੁੱਝੀ ਹੋਈ ਸੀ।

ਨਿੱਜੀ ਜੀਵਨ

ਗੋਮੇਜ਼ ਬਲੈਕ ਲਾਈਵਜ਼ ਮੈਟਰ ਲਹਿਰ ਦੀ ਹਮਾਇਤ ਕਰਦੀ ਹੈ ਅਤੇ ਉਸਨੇ 2017 ਦੀ ਵਿਮੈਂਜ਼ ਮਾਰਚ ਵਿੱਚ ਹਿੱਸਾ ਲਿਆ।

ਅਦਾਕਾਰੀ

ਫ਼ਿਲਮਾਂ

ਸਾਲ	ਸਿਰਲੇਖ	ਭੂਮਿਕਾ	ਨੋਟਸ
2019	ਸ਼ੈਡੋ ਵੁਲਵਜ਼	ਚਕੀ
2021	ਬੂਬ ਸਵੈੱਟ	ਫ੍ਰੈਂਸਿਸ	ਛੋਟੀ ਫ਼ਿਲਮ
2022	ਡੌਕਟਰ ਸਟ੍ਰੇਂਜ ਇਨ ਦ ਮਲਟੀਵਰਸ ਔਫ਼ ਮੈਡਨੈੱਸ	ਅਮੈਰਿਕਾ ਚੈਵੇਜ਼

ਟੈਲੀਵਿਜ਼ਨ

ਸਾਲ	ਸਿਰਲੇਖ	ਭੂਮਿਕਾ	ਨੋਟਸ
2018	ਰੇਵੰਜ਼ ਹੋਮ	ਸਕੂਲ ਪੱਤਰਕਾਰ	ਐਪੀਸੋਡ: "ਵਿਨਰਜ਼ ਐਂਡ ਲੂਜ਼ਰਜ਼","ਰੇਵੰਜ਼ ਹੋਮ: ਰੀਮਿਕਸ"
2019	ਤੁਸੀਂ ਸਭ ਤੋਂ ਭੈੜੇ ਹੋ	ਐਕਲਿਪਸ ਕਿਡ	ਐਪੀਸੋਡ: "ਦ ਪਿੱਲਰਜ਼ ਔਫ਼ ਕ੍ਰਿਏਸ਼ਨ"
2020	ਜੈਂਟਫ਼ੀਡ	ਛੋਟੀ ਐਨਾ	ਐਪੀਸੋਡ: "ਬ੍ਰਾਊਨ ਲਵ"
	ਦ ਬੇਬੀ-ਸਿੱਟਰਜ਼ ਕਲੱਬ	ਡੌਨ ਛੈੱਫਰ	ਮੁੱਖ਼ ਕਿਰਦਾਰ (ਬਾਬ 1), 7 ਐਪੀਸੋਡ

ਅਵਾਰਡ ਅਤੇ ਨਾਮਜ਼ਦਗੀਆਂ

ਸਾਲ	ਅਵਾਰਡ	ਸ਼੍ਰੇਣੀ	ਕੰਮ	ਨਤੀਜਾ	ਰੈਫ.
2020	ਯੰਗ ਆਰਟਿਸਟ ਅਵਾਰਡ	ਸਹਾਇਕ ਟੀਨ ਕਲਾਕਾਰ	ਸ਼ੈਡੋ ਵੁਲਵਜ਼	ਜੇਤੂ