ਉੱਗੂ ਚੱਕ

ਉੱਗੂ ਚੱਕ (اُگو چک) ਗੁਜਰਾਂਵਾਲਾ ਜ਼ਿਲ੍ਹੇ, ਪੰਜਾਬ, ਪਾਕਿਸਤਾਨ ਦਾ ਇੱਕ ਵੱਡਾ ਪਿੰਡ ਹੈ। ਉੱਗੂ ਚੱਕ ਗੁਜਰਾਂਵਾਲਾ ਸ਼ਹਿਰ ਦੇ ਸਭ ਤੋਂ ਵੱਡੇ UC ਵਿੱਚੋਂ ਇੱਕ ਹੈ ਜਿਸਦਾ ਮਜ਼ਬੂਤ ਰਾਜਨੀਤਿਕ ਪਿਛੋਕੜ ਅਤੇ ਬਹੁਤ ਜ਼ਿਆਦਾ ਆਬਾਦੀ ਹੈ। ਇਹ ਗੁਜਰਾਂਵਾਲਾ ਸ਼ਹਿਰ ਦੇ ਪੱਛਮ ਵੱਲ 13 ਕਿਲੋਮੀਟਰ ਦੂਰ ਹਾਫਿਜ਼ਾਬਾਦ-ਗੁਜਰਾਂਵਾਲਾ ਰੋਡ 'ਤੇ ਹੈ। ਇਹ ਪਿੰਡ ਦੇ ਇੱਕ ਪਾਸੇ ਨਹਿਰ ਹੈ। ਮੁੱਖ ਸੜਕ ਪਿੰਡ ਨੂੰ ਦੋ ਹਿੱਸਿਆਂ ਵਿੱਚ ਵੰਡਦੀ ਹੈ। ਇਸ ਵਿੱਚ ਸ਼ੇਖਾਂਵਾਲਾ, ਹੋਂਡਲਾਂਵਾਲਾ, ਸੱਜਣਾਂਵਾਲਾ ਅਤੇ ਪੱਕਾ ਖੂਹ ਵਰਗੇ ਬਹੁਤ ਸਾਰੇ ਪਿੰਡ ਹਨ। ਇਸ ਦੇ ਆਲੇ-ਦੁਆਲੇ ਦੇ ਪਿੰਡ ਅਤੇ ਕਸਬੇ ਪਪਨਾਖਾ, ਹਰਦੂਪੁਰ, ਸਾਹਨਕੀ, ਮਾਨ, ਪੀਰੂ ਕੋਟ ਅਤੇ ਕਿਲਾ ਦੀਦਾਰ ਸਿੰਘ ਹਨ।

ਵਿਓਤਪਤੀ

ਉੱਗੂ ਚੱਕ ਇੱਕ ਪੁਰਾਣਾ ਪਿੰਡ ਹੈ ਜਿਸਦਾ ਨਾਮ ਇੱਕ ਮੁਸਲਮਾਨ ਦੇ ਨਾਮ ਤੇ ਰੱਖਿਆ ਗਿਆ ਹੈ ਜੋ ਇਸ ਇਲਾਕੇ ਦਾ ਮਾਲਕ ਸੀ, ਜਿਸਨੂੰ ਉੱਗੂ ਕਿਹਾ ਜਾਂਦਾ ਹੈ। ਇਹ ਟਿੱਬਾ (ਤੇਪਾ-ਫ਼ਾਰਸੀ) ਜਾਂ ਉੱਚੀ ਜ਼ਮੀਨ 'ਤੇ ਸਥਿਤ ਸੀ, ਜੋ ਵੜੈਚ ਕਲਾਂ ਨੂੰ ਦਿੱਤੀ ਗਈ ਸੀ। ਉਸਦੀ ਜਾਇਦਾਦ ਵਿੱਚ ਨੇੜਲੇ ਪਿੰਡਾਂ ਦੀ ਜ਼ਮੀਨ ਦਾ ਇੱਕ ਵੱਡਾ ਖੇਤਰ ਸ਼ਾਮਲ ਸੀ।

ਇਤਿਹਾਸ

ਇਸ ਇਲਾਕੇ ਵਿੱਚ ਚਰਾਂਦਾਂ ਸਨ, ਜਿੱਥੇ ਉਹ ਮੱਝਾੰ ਚਾਰਦੇ ਸੀ। ਉਸ ਜ਼ਮੀਨ ਦੇ ਵਿਚਕਾਰ ਪਿੰਡ ਵਸਾਇਆ ਗਿਆ ਅਤੇ ਉਸਨੂੰ ਉੱਗੂ ਚੱਕ ਕਿਹਾ ਗਿਆ। ਪਿੰਡ ਵਿੱਚ ਮੁੱਖ ਤੌਰ 'ਤੇ ਮੁਸਲਿਮ ਆਬਾਦੀ ਸੀ ਪਰ ਚੋਖੀ ਹਿੰਦੂ ਅਤੇ ਸਿੱਖ ਆਬਾਦੀ ਵੀ ਸੀ, ਜੋ 1947 ਵਿੱਚ ਵੰਡ ਦੇ ਸਮੇਂ ਇਥੋਂ ਚਲੀ ਗਈ ਸੀ। ਇੱਥੇ ਕਬਾਇਲੀ ਅਨੁਸੂਚਿਤ ਜਾਤੀ ਦੇ ਲੋਕ ਸਨ ਅਤੇ ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਨੇ ਈਸਾਈ ਧਰਮ ਅਪਣਾ ਲਿਆ ਅਤੇ ਮੁੱਖ ਪਿੰਡ ਦੇ ਦੱਖਣ-ਪੂਰਬ ਵੱਲ ਆਪਣੇ ਗਵਾੜ ਵਿੱਚ ਰਹਿਣਾ ਜਾਰੀ ਰੱਖਿਆ। ਮੌਲਾਨਾ ਮੁਹੰਮਦ ਫਾਜ਼ਿਲ (1929-1997) ਦੇ ਹੱਥੋਂ ਕੁਝ ਸਾਂਸੀ ਪਰਿਵਾਰਾਂ ਨੇ ਇਸਲਾਮ ਕਬੂਲ ਕੀਤਾ। ਵੰਡ ਦੇ ਸਮੇਂ, ਪਟਿਆਲਾ ਰਿਆਸਤ ਅਤੇ ਅੰਮ੍ਰਿਤਸਰ ਜ਼ਿਲ੍ਹੇ ਤੋਂ ਬਹੁਤ ਸਾਰੇ ਪਨਾਹਗੀਰ ਇਥੇ ਆਗਏ ਅਤੇ ਹਿੰਦੂ/ਸਿੱਖ ਆਬਾਦੀ ਦੀ ਥਾਂ ਲੈ ਲਈ। 1948-49 ਵਿੱਚ ਜੰਮੂ-ਕਸ਼ਮੀਰ ਤੋਂ ਹੋਰ ਪਨਾਹਗੀਰ ਆਏ। ਉਹ ਛੱਪੜ ਦੇ ਪਾਰ ਪਿੰਡ ਦੇ ਪੂਰਬ ਵਿਚ ਚੌਧਰੀ ਗੁਲਾਮ ਹੈਦਰ ਵੜੈਚ ਦੀ ਦਾਨ ਕੀਤੀ ਜ਼ਮੀਨ 'ਤੇ ਵਸ ਗਏ। ਹਿੰਦੂ ਧਰਮਸ਼ਾਲਾ ਅਤੇ ਮੰਦਰ ਦੀਆਂ ਇਮਾਰਤਾਂ ਨੂੰ ਪਨਾਹਗੀਰਾਂ ਨੇ ਰਹਾਇਸ਼ ਵਜੋਂ ਵਰਤਿਆ। 1955 ਵਿਚ ਗੁਰਦੁਆਰੇ ਦਾ ਕੋਈ ਨਿਸ਼ਾਨ ਨਹੀਂ ਸੀ ਪਰ ਹੋ ਸਕਦਾ ਹੈ ਕਿ ਕੀ ਇਹ ਵੰਡ ਤੋਂ ਪਹਿਲਾਂ ਦੇ ਦਿਨਾਂ ਵਿਚ ਹੋਵੇ।