ਟੂ ਕਿੱਲ ਏ ਮੌਕਿੰਗਬਰਡ
ਟੂ ਕਿੱਲ ਏ ਮੌਕਿੰਗਬਰਡ 1960 ਵਿੱਚ ਪ੍ਰਕਾਸ਼ਤ ਹਾਰਪਰ ਲੀ ਨਾਵਲ ਹੈ। ਇਹ ਛਪਣ ਸਾਰ ਹੀ ਮਸ਼ਹੂਰ ਹੋ ਗਿਆ ਸੀ ਅਤੇ ਇਹ ਸੰਯੁਕਤ ਰਾਜ ਦੇ ਹਾਈ ਸਕੂਲਾਂ ਅਤੇ ਮਿਡਲ ਸਕੂਲਾਂ ਵਿੱਚ ਵਿਆਪਕ ਤੌਰ ਤੇ ਪੜ੍ਹਿਆ ਜਾਂਦਾ ਹੈ। ਇਹ ਆਧੁਨਿਕ ਅਮਰੀਕੀ ਸਾਹਿਤ ਦਾ ਇੱਕ ਕਲਾਸਿਕ ਨਾਵਲ ਹੈ ਅਤੇ ਇਸਨੇ ਪੁਲਟਜ਼ਰ ਪੁਰਸਕਾਰ ਜਿੱਤਿਆ ਸੀ। ਕਥਾਨਿਕ ਅਤੇ ਪਾਤਰ ਲੀ ਦੇ ਆਪਣੇ ਪਰਿਵਾਰ, ਉਸਦੇ ਗੁਆਂਢੀਆਂ ਅਤੇ ਇੱਕ ਘਟਨਾ ਜੋ ਕਿ ਉਸਦੇ ਜੱਦੀ ਸ਼ਹਿਰ ਅਲਾਬਮਾ ਦੇ ਨੇੜੇ 1936 ਵਿੱਚ ਹੋਈ ਸੀ, ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜਦੋਂ ਉਹ 10 ਸਾਲਾਂ ਦੀ ਸੀ।
| ਲੇਖਕ | ਹਾਰਪਰ ਲੀ |
|---|---|
| ਦੇਸ਼ | ਸੰਯੁਕਤ ਰਾਜ |
| ਭਾਸ਼ਾ | ਅੰਗਰੇਜ਼ੀ |
| ਵਿਧਾ | ਦੱਖਣੀ ਗੌਥਿਕ, ਬਿਲਡੰਗਸਰੋਮਨ |
| ਪ੍ਰਕਾਸ਼ਨ | 11 ਜੁਲਾਈ, 1960 |
| ਪ੍ਰਕਾਸ਼ਕ | ਜੇ.ਬੀ. ਲਿੱਪਿਨਕੌਟ ਅਤੇ ਕੰਪਨੀ |
ਬਲਾਤਕਾਰ ਅਤੇ ਜਾਤੀਗਤ ਅਸਮਾਨਤਾ ਦੇ ਗੰਭੀਰ ਮੁੱਦਿਆਂ ਨਾਲ ਨਜਿੱਠਣ ਦੇ ਬਾਵਜੂਦ, ਨਾਵਲ ਆਪਣੀ ਨਿੱਘ ਅਤੇ ਹਾਸੇ ਲਈ ਮਸ਼ਹੂਰ ਹੈ। ਬਿਰਤਾਂਤਕਾਰ ਦੇ ਪਿਤਾ ਅਟਿਕਸ ਫਿੰਚ ਨੇ ਬਹੁਤ ਸਾਰੇ ਪਾਠਕਾਂ ਲਈ ਨੈਤਿਕ ਨਾਇਕ ਵਜੋਂ ਅਤੇ ਵਕੀਲਾਂ ਲਈ ਇਕਸਾਰਤਾ ਦੇ ਨਮੂਨੇ ਵਜੋਂ ਕੰਮ ਕੀਤਾ ਹੈ। ਇਤਿਹਾਸਕਾਰ, ਜੇ. ਕਰੈਸਪੀਨੋ ਦੇ ਅਨੁਸਾਰ, "ਵੀਹਵੀਂ ਸਦੀ ਵਿੱਚ, ਟੂ ਕਿੱਲ ਏ ਮੋਕਿੰਗਬਰਡ ਸ਼ਾਇਦ ਅਮਰੀਕਾ ਵਿੱਚ ਨਸਲ ਨਾਲ ਨਜਿੱਠਣ ਵਾਲੀ ਸਭ ਤੋਂ ਵਿਆਪਕ ਪੜ੍ਹੀ ਗਈ ਕਿਤਾਬ ਹੈ, ਅਤੇ ਇਸਦਾ ਮੁੱਖ ਪਾਤਰ ਐਟਿਕਸ ਫਿੰਚ, ਨਸਲੀ ਬਹਾਦਰੀ ਦੀ ਸਭ ਤੋਂ ਸਦੀਵੀ ਕਾਲਪਨਿਕ ਤਸਵੀਰ ਹੈ।"[1]
ਦੱਖਣੀ ਗੋਥਿਕ ਅਤੇ ਬਿਲਡੰਗਸਰੋਮਨ ਨਾਵਲ ਦੇ ਤੌਰ ਤੇ, ਟੂ ਕਿਲ ਏ ਏ ਮੋਕਿੰਗਬਰਡ ਦੇ ਮੁੱਖ ਵਿਸ਼ਿਆਂ ਵਿੱਚ ਨਸਲੀ ਬੇਇਨਸਾਫੀ ਅਤੇ ਮਾਸੂਮੀਅਤ ਦਾ ਵਿਨਾਸ਼ ਸ਼ਾਮਲ ਹੈ। ਵਿਦਵਾਨਾਂ ਨੇ ਨੋਟ ਕੀਤਾ ਹੈ ਕਿ ਲੀ ਅਮੈਰੀਕਨ ਗਹਿਰੇ ਦੱਖਣ ਵਿੱਚ ਸ਼੍ਰੇਣੀਆਂ, ਹਿੰਮਤ, ਹਮਦਰਦੀ ਅਤੇ ਲਿੰਗ ਭੂਮਿਕਾਵਾਂ ਦੇ ਮੁੱਦਿਆਂ ਨੂੰ ਵੀ ਸੰਬੋਧਿਤ ਕਰਦਾ ਹੈ। ਇਹ ਕਿਤਾਬ ਸੰਯੁਕਤ ਰਾਜ ਦੇ ਸਕੂਲਾਂ ਵਿੱਚ ਵਿਆਪਕ ਤੌਰ 'ਤੇ ਪੜ੍ਹਾਈ ਜਾਂਦੀ ਹੈ ਜੋ ਸਬਕ ਸਹਿਣਸ਼ੀਲਤਾ ਅਤੇ ਪੱਖਪਾਤ ਨੂੰ ਉਜਾਗਰ ਕਰਦੀ ਹੈ। ਇਸਦੇ ਵਿਸ਼ਾ ਵਸਤੂ ਦੇ ਬਾਵਜੂਦ, ਟੂ ਕਿਲ ਏ ਮੋਕਿੰਗਬਰਡ ਨੂੰ ਜਨਤਕ ਕਲਾਸਰੂਮਾਂ ਤੋਂ ਹਟਾਉਣ ਦੀਆਂ ਮੁਹਿੰਮਾਂ ਚਲਦੀਆਂ ਰਹੀਆਂ ਹਨ ਜਿਸ ਵਿੱਚ ਅਕਸਰ ਇਸ ਨੂੰ ਨਸਲੀ ਵਿਸ਼ੇਸ਼ਣਾਂ ਵਰਤੋਂ ਲਈ ਚੁਣੌਤੀ ਦਿੱਤੀ ਜਾਂਦੀ ਹੈ।
ਟੂ ਕਿੱਲ ਏ ਮੋਕਿੰਗਬਰਡ ਹਾਰਪਰ ਦੀ ਛਪਣ ਵਾਲੀ ਪਹਿਲੀ ਕਿਤਾਬ ਸੀ। ਮਗਰੋਂ ਉਸਦੀ ਅਗਲੀ ਕਿਤਾਬ ਗੋ ਸੇਟ ਏ ਵਾਚਮੈਨ, 14 ਜੁਲਾਈ 2015 ਨੂੰ ਪ੍ਰਕਾਸ਼ਿਤ ਹੋਈ ਸੀ। ਲੀ ਆਪਣੇ ਕੰਮ ਦੇ ਪ੍ਰਭਾਵ ਬਾਰੇ ਫਰਵਰੀ 2016 ਤੱਕ ਜਵਾਬ ਦਿੰਦਾ ਰਿਹਾ।। ਹਾਲਾਂਕਿ ਉਸਨੇ 1964 ਤੋਂ ਆਪਣੇ ਲਈ ਜਾਂ ਨਾਵਲ ਲਈ ਕਿਸੇ ਨਿੱਜੀ ਪ੍ਰਚਾਰ ਤੋਂ ਇਨਕਾਰ ਕਰ ਦਿੱਤਾ ਸੀ.
"ਵਾਚਮੈਨ" ਸਿਰਲੇਖ ਦੇ ਰੱਦ ਹੋਣ ਤੋਂ ਪਿੱਛੋਂ, ਇਸਦਾ ਨਾਮ ਦੁਬਾਰਾ ਐਟਿਕਸ ਰੱਖਿਆ ਗਿਆ ਪਰ ਲੀ ਨੇ ਇਸਦਾ ਨਾਮ ਬਦਲ ਕੇ ਟੂ ਕਿੱਲ ਏ ਮੌਕਿੰਗਬਰਡ ਰੱਖ ਦਿੱਤਾ। ਇਹ ਦਰਸਾਉਣ ਲਈ ਕਿ ਕਹਾਣੀ ਇੱਕ ਪਾਤਰ ਦੀ ਹੀ ਕਹਾਣੀ ਨਹੀਂ ਹੈ। ਕਿਤਾਬ 11 ਜੁਲਾਈ, 1960 ਨੂੰ ਪ੍ਰਕਾਸ਼ਤ ਹੋਈ ਸੀ।[2] ਲਿਪਿਨਕੋਟ ਵਿਖੇ ਸੰਪਾਦਕੀ ਟੀਮ ਨੇ ਲੀ ਨੂੰ ਚੇਤਾਵਨੀ ਦਿੱਤੀ ਕਿ ਉਹ ਸ਼ਾਇਦ ਸਿਰਫ ਕਈ ਹਜ਼ਾਰ ਕਾਪੀਆਂ ਵੇਚੇਗੀ।[3] 1964 ਵਿੱਚ, ਲੀ ਨੇ ਕਿਤਾਬ ਬਾਰੇ ਕਿਹਾ ਸੀ,
ਮੈਨੂੰ ਕਦੇ ਵੀ 'ਮਾਕਿੰਗਬਰਡ' ਤੋਂ ਕਿਸੇ ਕਿਸਮ ਦੀ ਸਫਲਤਾ ਦੀ ਉਮੀਦ ਨਹੀਂ ਸੀ. . . . ਮੈਂ ਸਮੀਖਿਆ ਕਰਨ ਵਾਲਿਆਂ ਦੇ ਹੱਥੋਂ ਜਲਦੀ ਅਤੇ ਦਿਆਲੂ ਮੌਤ ਦੀ ਉਮੀਦ ਕਰ ਰਹੀ ਸੀ, ਪਰ ਉਸੇ ਸਮੇਂ ਮੈਨੂੰ ਇੱਕ ਤਰ੍ਹਾਂ ਦੀ ਉਮੀਦ ਵੀ ਸੀ ਕਿ ਕੋਈ ਵਿਅਕਤੀ ਇਸ ਨੂੰ ਕਾਫ਼ੀ ਉਤਸ਼ਾਹ ਦੇਵੇਗਾ। ਜਨਤਕ ਉਤਸ਼ਾਹ, ਜਿਵੇਂ ਕਿ ਮੈਂ ਕਿਹਾ ਸੀ, ਮੈਂ ਥੋੜ੍ਹੀ ਜਿਹੀ ਉਮੀਦ ਕੀਤੀ, ਪਰ ਮੈਂ ਬਹੁਤ ਕੁਝ ਪ੍ਰਾਪਤ ਕਰ ਲਿਆ, ਅਤੇ ਕੁਝ ਤਰੀਕਿਆਂ ਨਾਲ ਇਹ ਓਨਾ ਡਰਾਉਣਾ ਹੀ ਸੀ ਜਿੰਨੀ ਜਲਦੀ, ਦਿਆਲੂ ਮੌਤ ਦੀ ਮੈਂ ਉਮੀਦ ਕੀਤੀ ਸੀ।[4]
ਛੁੱਟੀ ਅਤੇ ਤਨਖਾਹ
ਸੋਧੋ1956 ਵਿੱਚ, ਹਾਰਪਰ ਲੀ ਦੇ ਦੋਸਤਾਂ ਨੇ ਉਸਨੂੰ ਕ੍ਰਿਸਮਸ ਦੇ ਤੋਹਫ਼ੇ ਵੱਜੋਂ ਪੂਰੇ ਇਕ ਸਾਲ ਦੀ ਤਨਖਾਹ ਦਿੱਤੀ ਤਾਂ ਜੋ ਉਹ ਕੰਮ ਤੋਂ ਇੱਕ ਸਾਲ ਦੀ ਛੁੱਟੀ ਲਵੇ ਅਤੇ ਲਿਖੇ। ਲੀ ਨੇ ਉਸ ਸਮੇਂ ਨੂੰ ਆਪਣਾ ਨਾਵਲ 'ਟੂ ਕਿਲ ਏ ਮੋਕਿੰਗਬਰਡ' ਲਿਖਣ ਲਈ ਵਰਤਿਆ। ਇਹ ਨਾਵਲ 1960 ਵਿੱਚ ਪ੍ਰਕਾਸ਼ਿਤ ਹੋਇਆ ਸੀ। ਇਸ ਕਿਤਾਬ ਦੀਆਂ 30 ਮਿਲੀਅਨ ਤੋਂ ਵੱਧ ਕਾਪੀਆਂ ਵਿਕ ਚੁੱਕੀਆਂ ਹਨ। ਲੀ ਨਹੀਂ ਰਹੀ, ਪਰ ਨਾਵਲ ਨੇ ਉਸ ਨੂੰ ਅਮਰ ਕਰ ਦਿੱਤਾ।
ਹਵਾਲੇ
ਸੋਧੋ- ↑ Crespino, J. (2000). "The Strange Career of Atticus Finch". Southern Cultures. 6 (2): 9–30. doi:10.1353/scu.2000.0030.
- ↑ Shields, p. 129.
- ↑ Shields, p. 14.
- ↑ Lacher, Irene (May 21, 2005). "Harper Lee raises her low profile for a friend; The author of To Kill a Mockingbird shuns fanfare. But for the kin of Gregory Peck", Los Angeles Times, p. E.1