ਪੈਟੀ-ਬੁਰਜ਼ੁਆ (ਨਾਟਕ)

ਪੈਟੀ-ਬੁਰਜ਼ੁਆ (ਰੂਸੀ: Мещане, romanized: ਮੇਸ਼ਾਨੇਯ)ਮੈਕਸਿਮ ਗੋਰਕੀ ਦਾ ਪਹਿਲਾ, 1901 ਵਿੱਚ ਲਿਖ਼ਿਆ ਨਾਟਕ ਹੈ। ਇਹ ਪਹਿਲੀ ਵਾਰ ਜ਼ੈਨਯਾਏ ਦੁਆਰਾ 1902 ਵਿੱਚ "ਬੇਸਮੇਨੋਵ ਦੇ ਘਰ ਵਿੱਚ ਪੈਟੀ-ਬੁਰਜ਼ੁਆ, 4 ਐਕਟ ਵਿੱਚ ਡਰਾਮਾ" ਉਪ ਸਿਰਲੇਖ ਤਹਿਤ ਪ੍ਰਕਾਸ਼ਿਤ ਕੀਤਾ ਗਿਆ ਸੀ। ਇਸ ਦੇ ਪਹਿਲੇ ਸਾਲ ਦੇ ਦੌਰਾਨ ਪੈਟੀ-ਬੁਰਜ਼ੁਆ ਦੀਆਂ 60 ਹਜ਼ਾਰ ਕਾਪੀਆਂ ਵਿਕ ਗਈਆਂ ਸਨ। 1903 ਵਿੱਚ ਇਸ ਨੂੰ ਗਿਰਾਓਏਦੋਵ ਇਨਾਮ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।

ਪੈਟੀ-ਬੁਰਜ਼ੁਆ
ਮਾਸਕੋ ਆਰਟ ਥੀਏਟਰ ਵਿਖੇ ਗੋਰਕੀ ਕਲਾਕਾਰਾਂ ਨਾਲ, 1902
ਲੇਖਕ	ਮੈਕਸਿਮ ਗੋਰਕੀ
ਪਹਿਲੇ ਪਰਦਰਸ਼ਨ ਦੀ ਤਰੀਕ	26 ਮਾਰਚ 1902 (1902-03-26)
ਪਹਿਲੇ ਪਰਦਰਸ਼ਨ ਦੀ ਜਗ੍ਹਾ	ਮਾਸਕੋ ਆਰਟ ਥੀਏਟਰ
ਮੂਲ ਭਾਸ਼ਾ	ਰੂਸੀ
ਰੂਪਾਕਾਰ	ਯਥਾਰਥਵਾਦੀ ਨਾਟਕ
Setting	1900ਵਿਆਂ ਦੇ ਸ਼ੁਰੂ ਵਿਚ, ਮਾਸਕੋ ਵਿੱਚ ਬੇਸਮੇਨੋਵ ਦਾ ਘਰ

ਨਾਟਕ ਦੇ ਕੇਂਦਰ ਵਿੱਚ ਇੱਕ ਹਾਊਸ ਪੇਂਟਰ ਬੇਸਮੇਨੋਵ ਹੈ, ਜੋ ਮੇਅਰ ਬਣਨ ਦੇ ਸੁਪਨੇ ਲੈਂਦਾ ਹੈ। ਉਹ ਐਸਾ ਵਿਅਕਤੀ ਹੈ ਜਿਸ ਦੀ ਆਪਣੇ ਘਰ ਵਿੱਚ ਵੀ ਕੋਈ ਵੋਟ ਨਹੀਂ ਉਹ ਮਤਲਬੀ ਅਤੇ ਕੰਜੂਸ ਹੈ, ਅਤੇ ਉਸ ਦੇ ਤਿੰਨ ਬੱਚੇ ਹਨ - ਇੱਕ ਧੀ, ਇੱਕ ਪੁੱਤਰ ਅਤੇ ਇੱਕ ਗੋਦ ਲਿਆ ਪੁੱਤਰ। ਸਾਰੇ ਉਸ ਦੇ ਜ਼ੁਲਮ ਦੇ ਸ਼ਿਕਾਰ ਹਨ। ਗੋਦ ਲਿਆ ਪੁੱਤਰ, ਨੀਲ, ਗੋਰਕੀ ਦੇ ਆਦਰਸ਼ਵਾਦੀ ਨਵੇਂ ਮਨੁੱਖਾਂ ਵਿੱਚੋਂ ਇੱਕ ਹੈ। ਉਹ ਅਤੇ ਉਸ ਦੇ ਦੋਸਤ ਸਮਾਜਿਕ ਸੰਘਰਸ਼ ਵਿੱਚ ਸ਼ਾਮਲ ਹਨ। ਉਨ੍ਹਾਂ ਦੀਆਂ ਸਰਗਰਮੀਆਂ ਵਿੱਚ ਮਜ਼ਦੂਰ ਜਮਾਤ ਲਈ ਨਾਟਕਾਂ ਦਾ ਮੰਚਨ ਕਰਨਾ ਸ਼ਾਮਲ ਹੈ।

ਇਹ ਨਾਟਕ ਬੁਰਜੂਆ ਪਰਿਵਾਰ ਦਾ ਅਤੇ ਇਨਕਲਾਬੀਆਂ ਦਾ ਪੋਰਟਰੇਟ ਪੇਸ਼ ਕਰਦਾ ਹੈ ਅਤੇ ਕਦੇ ਵੀ ਕਿਸੇ ਇੱਕ ਹੀ ਪਾਤਰ ਨੂੰ ਧਿਆਨ ਕੇਂਦਰ ਨਹੀਂ ਬਣਾਉਂਦਾ। ਇਸ ਲੜਾਈ ਦਾ ਧੁਰਾ ਪਿਤਾ ਅਤੇ ਉਸ ਦੇ ਤਿੰਨ ਬੱਚਿਆਂ ਦਰਮਿਆਨ ਸੰਘਰਸ਼ ਹੈ। ਇਹ ਟੱਕਰ ਉਦੋਂ ਆਪਣੀ ਸਿਖਰ ਤੇ ਪਹੁੰਚਦੀ ਹੈ ਜਦੋਂ ਬੇਟੀ ਖੁਦਕੁਸ਼ੀ ਦੀ ਕੋਸ਼ਿਸ਼ ਕਰਦੀ ਹੈ ਅਤੇ ਪਿਤਾ ਸਿਰਫ ਆਪਣੇ ਬਾਰੇ ਸੋਚ ਰਿਹਾ ਹੈ, 'ਇਸ ਨਾਲ ਸਿਟੀ ਹਾਲ ਦਾ ਮੇਰਾ ਮੌਕਾ ਬਰਬਾਦ ਹੋ ਜਾਵੇਗਾ'।

ਪਾਤਰ

• ਬੇਸਮੇਨੋਵ, ਵਸੀਲੀ ਵਸੀਲੀਏਵ, 58 ਸਾਲ, ਪੇਂਟ ਸ਼ਾਪ ਤੇ ਫੋਰਮੈਨ
• ਅਕੂਲੀਨਾ ਇਵਾਨੋਵਾਨਾ, ਉਸ ਦੀ ਪਤਨੀ, 52 ਸਾਲ ਦੀ ਉਮਰ
• ਪਿਓਤਰ, ਇੱਕ ਸਾਬਕਾ ਵਿਦਿਆਰਥੀ, 26 ਸਾਲ, ਉਨ੍ਹਾਂ ਦਾ ਪੁੱਤਰ
• ਤਾਤਿਆਨਾ, 28 ਸਾਲ ਦੀ ਇੱਕ ਸਕੂਲ ਅਧਿਆਪਕਾ, ਉਨ੍ਹਾਂ ਦੀ ਧੀ
• ਨੀਲ, ਇੱਕ ਮਸ਼ੀਨਿਸਟ, 27 ਸਾਲ ਦੀ ਉਮਰ।
• ਪੇਰਚੀਖ਼ਿਨ, 50 ਸਾਲ ਦੀ ਉਮਰ ਦਾ ਬੇਸਮੇਨੋਵ ਦੇ ਇੱਕ ਦੂਰ ਦਾ ਰਿਸ਼ਤੇਦਾਰ, ਜੋ ਚਿੜੀਮਾਰ ਹੈ।
• ਪੌਲ, ਪੇਰਚੀਖ਼ਿਨ ਦੀ ਧੀ, ਸਿਲਾਈ ਦਾ ਕੰਮ ਕਰਦੀ ਹੈ, ਉਮਰ 21 ਸਾਲ।
• ਐਲੇਨਾ ਨਿਕੋਲੇਵਨਾ ਕ੍ਰਿਤਸੋਵਾ, ਜੇਲ੍ਹ ਦੇ ਨਿਗਰਾਨ ਦੀ ਵਿਧਵਾ, 24 ਸਾਲ ਦੀ ਉਮਰ, ਬੇਸਮੇਨੋਵਾਂ ਦੇ ਅਪਾਰਟਮੈਂਟ ਵਿੱਚ ਰਹਿੰਦੀ ਹੈ।
• ਸ਼ਿਸ਼ਕਿਨ, ਇੱਕ ਵਿਦਿਆਰਥੀ
• ਸਵੇਤਾਏਵਾ, ਅਧਿਆਪਕ, ਤਾਤਿਆਨਾ ਦੀ ਸਹੇਲੀ, 25 ਸਾਲ ਦੀ ਉਮਰ।
• ਸਤੇਪਨੀਦਾ, ਕੁੱਕ
• ਡਾਕਟਰ