ਪੱਲਾ ਪਾਉਣਾ-ਪੱਲਾ ਛਡਾਉਣਾ

ਪੱਲਾ ਇਸਤਰੀਆਂ ਦੇ ਸਿਰ ਉੱਪਰ ਲਏ ਕੱਪੜੇ ਨੂੰ ਕਹਿੰਦੇ ਹਨ। ਪੱਲਾ ਸ਼ਬਦ ਦੇ ਹੋਰ ਵੀ ਬਹੁਤ ਸਾਰੇ ਅਰਥ ਹਨ।“ਪੱਲਾ ਪਾਉਣਾ” ਮਰਗ ਸਮੇਂ ਦੀ ਉਹ ਰਸਮ ਹੈ ਜਦ ਇਸਤਰੀਆਂ ਘੁੰਡ ਕੱਢ ਕੇ ਇਕ ਦੂਜੀ ਦੇ ਗਲ੍ਹੇ ਲੱਗ ਕੇ ਰੋਂਦੀਆਂ ਹਨ। ਵੈਣ ਪਾਉਂਦੀਆਂ ਹਨ।“ਪੱਲਾ ਛੁਡਾਉਣਾ” ਮਰਗ ਸਮੇਂ ਦੀ ਉਹ ਰਸਮ ਹੈ ਜਦ ਪੱਲਾ ਪਾਈਆਂ ਇਸਤਰੀਆਂ ਦੀਆਂ ਗਲੇ ਪਾਈਆਂ ਬਾਹਵਾਂ ਨੂੰ ਛੁਡਾਇਆ ਜਾਂਦਾ ਹੈ। ਪਹਿਲਾਂ ਘੁੰਡ ਕੱਢਣ ਦਾ ਰਿਵਾਜ ਸੀ।ਹੁਣ ਘੁੰਡ ਕੋਈ ਵੀ ਨਹੀਂ ਕੱਢਦਾ।ਹੁਣ ਪੱਲਾ ਪਾਉਣਾ ਅਤੇ ਪੱਲਾ ਛੁਡਾਉਣ ਦੀ ਰਸਮ ਕੋਈ-ਕੋਈ ਹੀ ਕਰਦਾ ਹੈ।