ਬਾਜੇਕਾਂ

ਬਾਜੇਕਾਂ ਭਾਰਤ ਦੇ ਹਰਿਆਣਾ ਰਾਜ ਦੇ ਸਿਰਸਾ ਜ਼ਿਲ੍ਹੇ ਦਾ ਇੱਕ ਪਿੰਡ ਹੈ ਜਿਸਦਾ ਨਾਂ ਬਾਜ਼-ਏ-ਖਾਨ ਚੀਮਾ ਦੇ ਨਾਮ ਤੇ ਰੱਖਿਆ ਗਿਆ ਸੀ। ਭੁੱਕਰ ਜਾਟ ਬਾਜੇਕਾਂ ਦੇ ਸਭ ਤੋਂ ਪੁਰਾਣੇ ਜਾਣੇ ਜਾਂਦੇ ਨਿਵਾਸੀ ਹਨ। ਆਜ਼ਾਦੀ ਤੋਂ ਬਾਅਦ ਪਿੰਡ ਵਿੱਚ ਕਈ ਭਾਈਚਾਰਿਆਂ ਦੇ ਲੋਕ ਆ ਗਏ। ਇਹ ਸਿਰਸਾ ਸ਼ਹਿਰ ਤੋਂ ਰਾਸ਼ਟਰੀ ਰਾਜਮਾਰਗ 9 'ਤੇ ਸਿਰਸਾ ਦੇ ਦੱਖਣ ਪੂਰਬ ਵਿੱਚ 8 ਕਿਲੋਮੀਟਰ ਦੂਰ ਸਥਿਤ ਹੈ। ਇਸ ਵਿੱਚ 2010 ਵਿੱਚ ਲਗਭਗ 4500 ਵੋਟਰ ਸਨ। ਬਾਜੇਕਾਂ ਵਿੱਚ ਇੱਕ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਇੱਕ ਲੜਕੀਆਂ ਦਾ ਪ੍ਰਾਇਮਰੀ ਸਕੂਲ ਅਤੇ ਕਈ ਹੋਰ ਨਿੱਜੀ ਸਕੂਲ ਹਨ। ਬਹੁਗਿਣਤੀ ਲੋਕਾਂ ਦਾ ਕਿੱਤਾ ਖੇਤੀਬਾੜੀ ਹੈ। ਇਸ ਪਿੰਡ ਵਿੱਚ ਬਾਗੜੀ, ਸਰਾਇਕੀ ਅਤੇ ਪੰਜਾਬੀ ਬੋਲੀ ਜਾਂਦੀ ਹੈ।