ਭਗੋਤੀ

ਭਗੋਤੀ ਉੱਤਰਾਖੰਡ, ਭਾਰਤ ਦੇ ਅਲਮੋੜਾ ਜ਼ਿਲ੍ਹੇ ਦਾ ਇੱਕ ਪਿੰਡ ਹੈ। ਇਸ ਦੇ ਅਧੀਨ ਕਈ ਛੋਟੇ ਪਿੰਡ ਆਉਂਦੇ ਹਨ। ਪਿੰਡ ਦਾ ਆਪਣਾ ਡਾਕਖਾਨਾ ਮੁੱਖ ਬਾਜ਼ਾਰ ਵਿੱਚ ਸਥਿਤ ਹੈ। ਰਵਾਇਤੀ ਤੌਰ 'ਤੇ ਇਸ ਵਿੱਚ 50 ਤੋਂ ਵੱਧ ਪਰਿਵਾਰ ਸਨ, ਪਰ ਬਹੁਤ ਸਾਰੇ ਪਰਿਵਾਰ ਉੱਚ ਸਿੱਖਿਆ ਅਤੇ ਨੌਕਰੀਆਂ ਲਈ ਸ਼ਹਿਰਾਂ ਵਿੱਚ ਚਲੇ ਗਏ ਹਨ। ਭਗੋਤੀ ਬਾਜ਼ਾਰ 6 ਕਿਲੋਮੀਟਰ ਦੇ ਘੇਰੇ ਵਿੱਚ ਸਭ ਤੋਂ ਵੱਡੇ ਬਾਜ਼ਾਰਾਂ ਵਿੱਚੋਂ ਇੱਕ ਹੈ ਇਹ ਇੱਕ ਵਾਰ 50 ਤੋਂ ਵੱਧ ਪਿੰਡਾਂ ਦਾ ਕੇਂਦਰ ਹੁੰਦਾ ਸੀ ਕਿਉਂਕਿ ਉਨ੍ਹਾਂ ਪਿੰਡਾਂ ਵਿੱਚ ਸੜਕ ਨਹੀਂ ਸੀ।

ਬਾਜ਼ਾਰ ਵਿੱਚ ਹਰ ਤਰ੍ਹਾਂ ਦੀਆਂ ਦੁਕਾਨਾਂ ਹਨ। ਬੁਧੋਰੀ ਜਨਰਲ ਸਟੋਰ ਬਾਜ਼ਾਰ ਦੀ ਸਭ ਤੋਂ ਪੁਰਾਣੀ ਦੁਕਾਨ ਹੈ। ਪਿੰਡ ਦੀ ਸਭ ਤੋਂ ਉੱਚੀ ਚੋਟੀ 'ਤੇ ਇਕ ਭਗਵਤੀ ਮੰਦਰ ਵੀ ਹੈ। ਇਹ 200 ਸਾਲ ਪੁਰਾਣਾ ਮੰਦਰ ਮੰਨਿਆ ਜਾਂਦਾ ਹੈ। ਇਸ ਪਿੰਡ ਵਿੱਚ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਹਨ ਜਿਵੇਂ ਕਿ ਹਰ ਕਿਸੇ ਦੇ ਘਰ ਪਾਣੀ ਦੀ ਸਹੂਲਤ, ਸੜਕ ਦੀ ਹਾਲਤ ਵੀ ਸੁਧਰੀ ਹੋਈ ਹੈ। ਪਿੰਡ ਦਾ ਹਰ ਵਿਅਕਤੀ ਖੇਤੀਬਾੜੀ ਨਾਲ ਜੁੜਿਆ ਹੋਇਆ ਹੈ। ਭਗੋਤੀ ਪਿੰਡ ਪਹਾੜਾਂ ਨਾਲ ਘਿਰਿਆ ਹੋਇਆ ਹੈ ਅਤੇ ਇਹ ਤਥ ਪਿੰਡ ਨੂੰ ਬਹੁਤ ਸੁੰਦਰ ਬਣਾਉਂਦਾ ਹੈ।