ਸੰਜੀਵ ਕੁਮਾਰ (ਗੁਜਰਾਤੀ: હરિભાઈ જરીવાલા, 9 ਜੁਲਾਈ 1938 - 6 ਨਵੰਬਰ 1985) ਇੱਕ ਉੱਘਾ ਭਾਰਤੀ ਹਿੰਦੀ ਫ਼ਿਲਮਾਂ ਦਾ ਅਦਾਕਾਰ ਅਤੇ ਸਿਆਸਤਦਾਨ ਸੀ। ਉਨ੍ਹਾਂ ਦਾ ਪੂਰਾ ਨਾਮ ਹਰੀਭਾਈ ਜਰੀਵਾਲਾ ਸੀ। ਉਹ ਮੂਲ ਤੌਰ ਤੇ ਗੁਜਰਾਤੀ ਸੀ। ਇਸ ਮਹਾਨ ਕਲਾਕਾਰ ਦਾ ਨਾਮ ਫ਼ਿਲਮ ਜਗਤ ਦੀ ਆਕਾਸ਼ ਗੰਗਾ ਵਿੱਚ ਹਮੇਸ਼ਾ ਜਗਮਗਾਉਂਦਾ ਰਹੇਗਾ। ਉਨ੍ਹਾਂ ਨੇ ਨਯਾ ਦਿਨ ਨਯੀ ਰਾਤ ਫਿਲਮ ਵਿੱਚ ਨੌਂ ਰੋਲ ਕੀਤੇ ਸਨ। ਕੋਸ਼ਿਸ਼ ਫਿਲਮ ਵਿੱਚ ਉਨ੍ਹਾਂ ਨੇ ਗੂੰਗੇ ਬੋਲੇ ਵਿਆਕਤੀ ਦਾ ਸ਼ਾਨਦਾਰ ਅਭਿਨੈ ਕੀਤਾ ਸੀ ਸ਼ੋਲੇ ਫ਼ਿਲਮ ਵਿੱਚ ਠਾਕੁਰ ਦਾ ਚਰਿੱਤਰ ਉਨ੍ਹਾਂ ਦੇ ਅਭਿਨੈ ਨਾਲ ਅਮਰ ਹੋ ਗਿਆ।

ਸੰਜੀਵ ਕੁਮਾਰ
Sanjeev Kumar 2013 stamp of India.jpg
ਸੰਜੀਵ ਕੁਮਾਰ ਸਾਲ 2013 ਦੀ ਭਾਰਤ ਦੀ ਮੋਹਰ ਤੇ
ਜਨਮਹਰੀਭਾਈ ਜਰੀਵਾਲਾ
(1938-07-09)9 ਜੁਲਾਈ 1938
ਸੂਰਤ, ਗੁਜਰਾਤ, ਬ੍ਰਿਟਿਸ਼ ਭਾਰਤ
ਮੌਤ6 ਨਵੰਬਰ 1985(1985-11-06) (ਉਮਰ 47)
ਮੁੰਬਈ, ਮਹਾਰਾਸ਼ਟਰ, ਭਾਰਤ
ਪੇਸ਼ਾਅਭਿਨੇਤਾ
ਸਰਗਰਮੀ ਦੇ ਸਾਲ1960–1984
ਸਾਥੀਕੋਈ ਨਹੀਂ

ਉਸ ਨੂੰ ਸ੍ਰੇਸ਼ਟ ਐਕਟਰ ਲਈ ਰਾਸ਼ਟਰੀ ਫ਼ਿਲਮ ਇਨਾਮ ਦੇ ਇਲਾਵਾ ਫ਼ਿਲਮਫੇਅਰ ਸਭ ਤੋਂ ਉੱਤਮ ਐਕਟਰ ਅਤੇ ਸਭ ਤੋਂ ਉੱਤਮ ਸਹਾਇਕ ਐਕਟਰ ਇਨਾਮ ਦਿੱਤਾ ਗਿਆ। ਉਹ ਆਜੀਵਨ ਕੁੰਵਾਰਾ ਰਿਹਾ ਅਤੇ ਸਿਰਫ 47 ਸਾਲ ਦੀ ਉਮਰ ਵਿੱਚ ਸੰਨ 1984 ਵਿੱਚ ਹਿਰਦਾ ਗਤੀ ਰੁਕ ਜਾਣ ਨਾਲ ਬੰਬਈ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ। 1960 ਤੋਂ 1984 ਤੱਕ ਪੂਰੇ ਪੰਝੀ ਸਾਲ ਤੱਕ ਉਹ ਲਗਾਤਾਰ ਫ਼ਿਲਮਾਂ ਵਿੱਚ ਸਰਗਰਮ ਰਹੇ।

ਉਸ ਨੂੰ ਉਨ੍ਹਾਂ ਦੇ ਸ਼ਿਸ਼ਟ ਸੁਭਾਅ ਅਤੇ ਵਿਸ਼ੇਸ਼ ਅਭਿਨੈ ਸ਼ੈਲੀ ਲਈ ਫ਼ਿਲਮ ਜਗਤ ਵਿੱਚ ਹਮੇਸ਼ਾ ਯਾਦ ਕੀਤਾ ਜਾਵੇਗਾ।