ਕਲਾਕਾਰ ਦੀ ਮਾਂ ਦਾ ਪੋਰਟਰੇਟ (ਵਾਨ ਗਾਗ)

ਕਲਾਕਾਰ ਦੀ ਮਾਂ ਦਾ ਪੋਰਟਰੇਟ (Portrait of Artist's Mother) ਵਿਨਸੇਂਟ ਵਾਨ ਗਾਗ ਦੀ ਅਕਤੂਬਰ 1888 ਦੀ ਇੱਕ ਪੇਂਟਿੰਗ ਹੈ। ਇਸ ਵਿੱਚ ਉਸਨੇ ਆਪਣੀ ਮਾਂ, ਅੰਨਾ ਕਰਵੇਂਤਸ ਵਾਨ ਗਾਗ ਨੂੰ, ਉਸ ਦੀ ਇੱਕ ਬਲੈਕ ਐਂਡ ਵਾਈਟ ਫ਼ੋਟੋ ਤੋਂ ਬਣਾਇਆ ਸੀ। ਕਲਾ ਨਾਲ ਵਾਨ ਗਾਗ ਦੀ ਪਛਾਣ ਆਪਣੀ ਮਾਂ ਰਾਹੀਂ ਹੋਈ ਸੀ ਜੋ ਖ਼ੁਦ ਆਪ ਇੱਕ ਸ਼ੌਕੀਆ ਕਲਾਕਾਰ ਸੀ। ਪਰਿਵਾਰ ਦੇ ਨਾਲ ਤਣਾਉ ਵਾਲੇ ਸੰਬੰਧਾਂ ਦੇ ਕਈ ਸਾਲ ਬਾਅਦ, ਵਾਨ ਗਾਗ ਨੇ ਫੁੱਲਾਂ ਦੇ ਅਤੇ ਕੁਦਰਤੀ ਸੈਟਿੰਗ ਵਾਲੇ ਆਪਣੇ ਕੁੱਝ ਚਿੱਤਰ ਬੜੇ ਚਾਅ ਨਾਲ ਸ਼ੇਅਰ ਕੀਤੇ ਸਨ। ਉਸ ਦਾ ਖ਼ਿਆਲ ਸੀ ਕਿ ਉਸ ਦੀ ਮਾਂ ਇਨ੍ਹਾਂ ਦੀ ਸਭ ਤੋਂ ਵਧ ਕਦਰ ਕਰੇਗੀ। ਇਸ ਪੇਂਟਿੰਗ ਵਿੱਚ, ਵਾਨ ਗਾਗ ਨੇ ਆਪਣੀ ਮਾਂ ਦੇ ਗੌਰਵਸ਼ਾਲੀ ਅਤੇ ਮਾਣਮੱਤੇ ਸੁਭਾਅ ਨੂੰ ਉਜਾਗਰ ਕੀਤਾ ਹੈ। 

ਕਲਾਕਾਰ ਦੀ ਮਾਂ ਦਾ ਪੋਰਟਰੇਟ

ਕਲਾਕਾਰ	ਵਿਨਸੇਂਟ ਵਾਨ ਗਾਗ
ਸਾਲ	ਅਕਤੂਬਰ, 1888
ਕੈਟਾਲਾਗ	F477
ਕਿਸਮ	Oil on canvas
ਪਸਾਰ	40.5 cm × 32.5 cm (15.9 in × 12.8 in)
ਜਗ੍ਹਾ	The Norton Simon Museum of Art, Pasadena, California

ਪਿਠਭੂਮੀ

ਅੰਨਾ ਕਰਵੇਂਤਸ ਵਾਨ ਗਾਗ ਇੱਕ ਸ਼ੌਕੀਆ ਕਲਾਕਾਰ ਸੀ ਜੋ ਪੌਦਿਆਂ ਅਤੇ ਫੁੱਲਾਂ ਦੇ ਚਿੱਤਰ ਬਣਾਇਆ ਕਰਦੀ ਸੀ ਅਤੇ  ਗਹਿਰੀ ਵਾਟਰਕਲਰ ਕਲਾਕਾਰ ਸੀ। ਅੱਠ ਬੱਚਿਆਂ ਦੇ ਇੱਕ ਵੱਡੇ ਪਰਿਵਾਰ ਦੇ ਅੰਨਾ ਨੇ ਛੇ ਬੱਚੇ ਪਾਲੇ: ਵਿੰਸੇਂਟ, ਅੰਨਾ ਅਲੀਜਬੇਥ, ਥੀਓ, ਵਿਲਹੇਲਮੇ ਅਤੇ ਕੋਰਨੇਲੀਅਸ।  ਅੰਨਾ ਆਪਣੇ ਬੱਚਿਆਂ ਦੇ ਨਾਲ ਆਪਣਾ ਕਲਾ ਪਿਆਰ ਸ਼ੇਅਰ ਕਰਨ ਦਾ ਆਨੰਦ ਮਾਣਿਆ ਕਰਦੀ ਸੀ। ਵਿਨਸੇਂਟ ਦੇ ਮੁਢਲੇ ਚਿੱਤਰਾਂ ਵਿੱਚ ਫੁੱਲਾਂ ਅਤੇ ਤੱਗੀਆਂ ਦੇ ਗੁਲਦਸਤੇ ਉਸ ਦੀ ਮਾਂ ਦੇ ਸਕੈੱਚਾਂ ਦੀ ਨਕਲ ਹਨ।