ਬਾਣੀ - ਇਸ਼ਕ ਦਾ ਕਲਮਾ

ਬਾਣੀ - ਇਸ਼ਕ ਦਾ ਕਲਮਾ ਇੱਕ ਭਾਰਤੀ ਟੈਲੀਵਿਜ਼ਨ ਡਰਾਮਾ ਲੜੀ ਹੈ, ਜਿਸਦਾ ਪ੍ਰੀਮੀਅਰ 18 ਮਾਰਚ 2013 ਨੂੰ ਕਲਰਜ਼ ਟੀਵੀ 'ਤੇ ਹੋਇਆ ਸੀ। ਇਸ ਲੜੀ ਦਾ ਮੂਲ ਰੂਪ ਵਿੱਚ ਸਿਰਲੇਖ ਗੁਰਬਾਣੀ ਸੀ, ਜਿਸਦਾ ਅਰਥ ਹੈ ਸਿੱਖ ਗੁਰੂਆਂ ਦੀ ਰਚੀ ਬਾਣੀ। ਕਹਾਣੀ ਨੂੰ ਰੋਮਾਂਟਿਕ ਡਰਾਮੇ ਵਿੱਚ ਬਦਲਣ ਤੋਂ ਬਾਅਦ ਲੜੀ ਦਾ ਸਿਰਲੇਖ ਬਦਲ ਦਿੱਤਾ ਗਿਆ ਸੀ।

ਪਲਾਟ

ਕਹਾਣੀ ਦਾ ਸਥਾਨ ਪੇਂਡੂ ਪੰਜਾਬ ਹੈ, ਅਤੇ ਮੁੱਖ ਤੌਰ 'ਤੇ ਐਨਆਰ ਆਈ ਲਾੜਿਆਂ ਵੱਲੋਂ ਲਾੜੀਆਂ ਦੇ ਉਜਾੜੇ ਦੇ ਦੁਆਲੇ ਘੁੰਮਦੀ ਹੈ ਜੋ ਪੰਜਾਬ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਖ਼ੂਬ ਪ੍ਰਚਲਿਤ ਹੈ।

ਦੇਸ਼ੋ ਨੇ ਆਪਣੀ ਧੀ ਬਾਣੀ ਲਈ ਐਨਆਰਆਈ ਲਾੜਾ ਵਿਆਉਣ ਦੇ ਆਪਣੇ ਇਰਾਦੇ ਦਾ ਐਲਾਨ ਕੀਤਾ। ਸੋਹਮ, ਜੋ ਕਿ ਬਾਣੀ ਦੇ ਪਿੰਡ ਵਿਚ ਰਹਿੰਦਾ ਹੈ, ਉਸ ਨਾਲ਼ ਪਿਆਰ ਕਰਦਾ ਹੈ, ਪਰ ਦੇਸ਼ੋ ਉਸ ਨੂੰ ਠੁਕਰਾ ਦਿੰਦੀ ਹੈ ਕਿਉਂਕਿ ਉਹ ਐਨਆਰਆਈ ਨਹੀਂ । ਅਮਰੀਕ ਅਤੇ ਪਰਮੀਤ ਐਨਆਰਆਈ ਬੈਚਲਰ ਹਨ। ਰਾਜੀ ਦਾ ਵਿਆਹ ਅਮਰੀਕ ਨਾਲ਼ ਅਤੇ ਬਾਣੀ ਦਾ ਪਰਮੀਤ ਨਾਲ਼ ਹੋਣਾ ਨਿਯਤ ਹੋਇਆ। ਦੂਹਰੇ ਵਿਆਹ ਵਾਲੇ ਦਿਨ ਤਾਂ ਬਹੁਤ ਭੰਬਲਭੂਸਾ ਹੁੰਦਾ ਹੈ। ਪਹਿਲਾਂ ਤਾਂ ਅਜਿਹਾ ਲੱਗਦਾ ਹੈ ਕਿ ਪਰਮੀਤ, ਜੋ ਕੈਨੇਡਾ ਵਿੱਚ ਕੰਮ ਕਰਦਾ ਹੈ, ਵਿਆਹ ਲਈ ਨਹੀਂ ਆਏਗਾ। ਇਸ ਲਈ ਦੇਸ਼ੋ ਸੋਹਮ ਨੂੰ ਬਾਣੀ ਨਾਲ਼ ਵਿਆਹ ਕਰਨ ਲਈ ਬੇਨਤੀ ਕਰਦੀ ਹੈ ਅਤੇ ਉਹ ਖ਼ੁਸ਼ੀ ਖ਼ੁਸ਼ੀ ਸਹਿਮਤ ਹੋ ਜਾਂਦਾ ਹੈ। ਪਰ ਪਰਮੀਤ ਆਖ਼ਰੀ ਸਮੇਂ 'ਤੇ ਆ ਜਾਂਦਾ ਹੈ। ਫਿਰ, ਐਨ ਅੰਤ ਸਮੇਂ ਅਮਰੀਕ ਆਪਣੇ ਅਤੇ ਰਾਜੀ ਵਿਚਕਾਰ ਗ਼ਲਤਫ਼ਹਿਮੀ ਦੇ ਕਾਰਨ ਹਫੜਾ-ਦਫੜੀ ਵਿੱਚ ਚਲਾ ਜਾਂਦਾ ਹੈ। ਹੁਣ, ਇੱਕ ਸੰਚਾਰ ਦੇ ਪਾੜੇ ਕਾਰਨ, ਲਾੜੀ ਦੇ ਰਿਸ਼ਤੇਦਾਰਾਂ ਨੂੰ ਇਹ ਲੱਗਦਾ ਹੈ ਕਿ ਸੋਹਮ ਰਾਜੀ ਨਾਲ਼ ਵਿਆਹ ਕਰਨ ਲਈ ਰਾਜ਼ੀ ਹੋ ਗਿਆ ਹੈ। ਇਸ ਤਰ੍ਹਾਂ, ਬਾਣੀ, ਯੋਜਨਾ ਅਨੁਸਾਰ ਪਰਮੀਤ ਨਾਲ਼ ਵਿਆਹ ਕਰਦੀ ਹੈ, ਜਦੋਂ ਕਿ ਸੋਹਮ ਅਣਜਾਣੇ ਵਿੱਚ ਆਪਣੇ ਸੱਚੇ ਪਿਆਰ ਦੀ ਬਜਾਏ ਰਾਜੀ ਨਾਲ਼ ਵਿਆਹ ਕਰਵਾ ਲੈਂਦਾ ਹੈ।

ਬਾਣੀ ਪਰਮੀਤ ਦੇ ਨਾਲ਼ ਆਪਣੇ ਸਹੁਰੇ ਘਰ ਚਲੀ ਜਾਂਦੀ ਹੈ। ਪਰਮੀਤ ਜਲਦੀ ਹੀ ਵਾਪਸ ਆਉਣ ਦਾ ਵਾਅਦਾ ਕਰਕੇ ਅਗਲੀ ਸਵੇਰ ਇਕੱਲਾ ਹੀ ਕੈਨੇਡਾ ਲਈ ਰਵਾਨਾ ਹੋ ਗਿਆ। ਇਸ ਦੌਰਾਨ, ਸੋਹਮ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨੂੰ ਪਤਾ ਲੱਗ ਜਾਂਦਾ ਹੈ ਕਿ ਉਹ ਜਿਸ ਦੁਲਹਨ ਨੂੰ ਘਰ ਲੈ ਕੇ ਆਏ ਹਨ, ਉਹ ਰਾਜੀ ਹੈ ਨਾ ਕਿ ਬਾਣੀ। ਉਹ ਬਹੁਤ ਪਰੇਸ਼ਾਨ ਹਨ, ਪਰ ਸੋਹਮ ਦੇ ਭਰਾ ਅੰਗਦ ਨੇ ਸੁਝਾਅ ਦਿੱਤਾ ਕਿ ਉਨ੍ਹਾਂ ਨੂੰ ਰਾਜੀ ਨੂੰ ਮੌਕਾ ਦੇਣਾ ਚਾਹੀਦਾ ਹੈ। ਪਹਿਲਾਂ ਤਾਂ ਪਰਮੀਤ ਬਾਣੀ ਨੂੰ ਫ਼ੋਨ ਕਰਨ ਵਿੱਚ ਕਾਫ਼ੀ ਨਿਯਮਿਤ ਹੈ। ਫਿਰ, ਇਹ ਖੁਲਾਸਾ ਹੋਇਆ ਕਿ ਪਰਮੀਤ ਨੇ ਬਾਣੀ ਨਾਲ਼ ਸਿਰਫ਼ ਇਸ ਲਈ ਵਿਆਹ ਕੀਤਾ ਸੀ ਤਾਂ ਜੋ ਉਹ ਕਾਨੂੰਨੀ ਤੌਰ 'ਤੇ ਕੁਝ ਜੱਦੀ ਜਾਇਦਾਦ ਦਾ ਦਾਅਵਾ ਕਰ ਸਕੇ ਅਤੇ ਪੈਸੇ ਕਮਾਉਣ ਲਈ ਇਸ ਨੂੰ ਵੇਚ ਸਕੇ। ਉਹ ਜੋ ਚਾਹੁੰਦਾ ਹੈ ਪ੍ਰਾਪਤ ਕਰਨ ਤੋਂ ਬਾਅਦ, ਉਹ ਬਾਣੀ ਨਾਲ਼ ਗੱਲ ਕਰਨੀ ਬੰਦ ਕਰ ਦਿੰਦਾ ਹੈ।

ਅੰਤ ਵਿੱਚ, ਬਾਣੀ ਨੂੰ ਅਹਿਸਾਸ ਹੁੰਦਾ ਹੈ ਕਿ ਉਸਦੇ ਪਤੀ ਨੇ ਉਸਨੂੰ ਛੱਡ ਦਿੱਤਾ ਹੈ, ਪਰ ਉਹ ਇੱਕ ਪਤਨੀ ਦੇ ਰੂਪ ਵਿੱਚ ਆਪਣੇ ਅਧਿਕਾਰ ਪ੍ਰਾਪਤ ਕਰਨ ਲਈ ਦ੍ਰਿੜ ਹੈ। ਉਹ ਉਸਨੂੰ ਲੱਭਣ ਅਤੇ ਉਸਨੂੰ ਵਾਪਸ ਲਿਆਉਣ ਦਾ ਫੈਸਲਾ ਕਰਦੀ ਹੈ। ਸੋਹਮ ਉਸ ਦੇ ਨਾਲ਼ ਇੱਕ ਐਸਕਾਰਟ ਵਜੋਂ ਜਾਣ ਦੀ ਪੇਸ਼ਕਸ਼ ਕਰਦਾ ਹੈ। ਪਰ ਰਾਜੀ, ਜੋ ਆਪਣੇ ਵਿਆਹ ਨੂੰ ਸਫਲ ਕਰਨ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ, ਬਾਣੀ ਨੂੰ ਬੇਨਤੀ ਕਰਦਾ ਹੈ ਕਿ ਉਹ ਸੋਹਮ ਨੂੰ ਨਾਲ਼ ਨਾ ਲੈ ਕੇ ਜਾਵੇ। ਇਸ ਲਈ, ਬਾਣੀ ਨੇ ਸੋਹਮ ਨੂੰ ਆਪਣੇ ਨਾਲ਼ ਜਾਣ ਦੇਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਦਿੱਲੀ ਲਈ ਇਕੱਲੀ ਰਵਾਨਾ ਹੋ ਗਈ, ਜਿੱਥੋਂ ਉਹ ਕੈਨੇਡਾ ਜਾਣ ਦੀ ਯੋਜਨਾ ਬਣਾ ਰਹੀ ਹੈ। ਦਿੱਲੀ ਵਿੱਚ, ਉਹ ਕੁਝ ਅਪਰਾਧੀਆਂ ਦੇ ਜਾਲ ਵਿੱਚ ਫਸ ਜਾਂਦੀ ਹੈ ਜੋ ਉਸਨੂੰ ਦੇਹ ਵਪਾਰ ਵਿੱਚ ਵਰਤਣਾ ਚਾਹੁੰਦੇ ਹਨ। ਪਰ, ਖੁਸ਼ਕਿਸਮਤੀ ਨਾਲ਼, ਉਸ ਨੂੰ ਸਮੇਂ ਸਿਰ ਇੱਕ ਸਮਾਜ ਸੇਵੀ, ਅਨੁਰਾਧਾ ਨਾਮ ਦੀ ਇੱਕ ਔਰਤ ਬਚਾ ਲੈਂਦੀ ਹੈ, ਜਿਸਦਾ ਘਰ ਬਾਣੀ ਲਈ ਪਨਾਹ ਬਣ ਜਾਂਦਾ ਹੈ। ਅਨੁਰਾਧਾ ਦੀ ਬੇਟੀ ਮੀਤ ਨਾਂ ਦੇ ਐਨਆਰਆਈ ਨਾਲ਼ ਵਿਆਹ ਕਰਨ ਵਾਲੀ ਹੈ। ਵਿਆਹ ਵਾਲੇ ਦਿਨ, ਬਾਣੀ ਨੂੰ ਪਤਾ ਲੱਗਦਾ ਹੈ ਕਿ ਮੀਤ ਅਸਲ ਵਿੱਚ ਉਸਦਾ ਪਤੀ ਪਰਮੀਤ ਹੈ, ਜੋ ਪੈਸੇ ਲਈ ਅਨੁਰਾਧਾ ਦੀ ਧੀ ਨਾਲ਼ ਵਿਆਹ ਕਰਨ ਦੀ ਯੋਜਨਾ ਬਣਾਉਂਦਾ ਹੈ। ਪਰਮੀਤ ਦਾ ਸੱਚ ਸਾਹਮਣੇ ਆਉਣ 'ਤੇ ਉਹ ਵਿਆਹ ਦੇ ਮੌਕੇ ਭੱਜ ਗਿਆ। ਅਨੁਰਾਧਾ ਨੇ ਕਿਹਾ ਕਿ ਉਹ ਪਰਮੀਤ ਨੂੰ ਗ੍ਰਿਫਤਾਰ ਕਰ ਲੈਣਗੇ ਪਰ ਬਾਣੀ ਇਸ ਨਾਲ਼ ਸਹਿਮਤ ਨਹੀਂ ਹੈ। ਕਾਰਨ ਇਹ ਸੀ ਕਿ ਬਾਣੀ ਪਰਮੀਤ ਨੂੰ ਸਜ਼ਾ ਦੇਣਾ ਚਾਹੁੰਦੀ ਸੀ। ਬਾਣੀ ਪਰਮੀਤ ਕੋਲ ਵਾਪਸ ਚਲੀ ਜਾਂਦੀ ਹੈ ਪਰ ਪਰਮੀਤ ਨੇ ਬਾਣੀ ਨੂੰ ਘਰੋਂ ਕੱਢ ਦਿੰਦਾ ਹੈ। ਰਾਜੀ ਗਰਭਵਤੀ ਹੋ ਜਾਂਦੀ ਹੈ ਅਤੇ ਸੋਹਮ ਰਾਜੀ ਦੀ ਦੇਖਭਾਲ ਕਰ ਰਿਹਾ ਹੈ, ਜਲਦੀ ਹੀ ਉਹ ਇੱਕ ਦੂਜੇ ਨਾਲ਼ ਪਿਆਰ ਕਰਨ ਲੱਗਦੇ ਹਨ ਪਰ ਇੱਕ ਦੂਜੇ ਨੂੰ ਇਹ ਨਹੀਂ ਕਹਿ ਸਕਦੇ। ਜਦੋਂ ਬਾਣੀ ਦੇ ਸਹੁਰੇ ਪਿਕਨਿਕ ਦੀ ਯੋਜਨਾ ਬਣਾਉਂਦੇ ਹਨ ਤਾਂ ਪਰਮੀਤ ਨੇ ਬਾਣੀ ਨੂੰ ਮਾਰਨ ਦੀ ਯੋਜਨਾ ਬਣਾਈ। ਉਹ ਪਿਕਨਿਕ ਮਨਾ ਰਹੇ ਹਨ ਜਦੋਂ ਕਿ ਪਰਮੀਤ ਬਾਣੀ ਨੂੰ ਕਿਸ਼ਤੀ 'ਤੇ ਲੈ ਜਾਂਦਾ ਹੈ, ਜਿਸ ਦਾ 13 ਨੰਬਰ ਸੀ। ਪਰਮੀਤ ਮੋਟਰ ਚਾਲੂ ਕਰਦਾ ਹੈ ਅਤੇ ਬਾਣੀ ਨੂੰ ਕਿਸ਼ਤੀ ਵਿਚ ਇਕੱਲਾ ਛੱਡ ਦਿੰਦਾ ਹੈ। ਕਿਸ਼ਤੀ ਚਲਦੀ ਹੈ ਅਤੇ ਹੌਲੀ ਹੌਲੀ ਪਾਣੀ ਵਿੱਚ ਡੁੱਬ ਜਾਂਦੀ ਹੈ। ਬਾਣੀ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਜਾਂਦਾ ਹੈ ਅਤੇ ਸਾਰਾ ਪਰਿਵਾਰ ਦੁਖੀ ਹੈ। ਰਾਜੀ ਉਦਾਸ ਹੈ। ਹਾਲਾਂਕਿ, ਇਸਦੇ ਤੁਰੰਤ ਬਾਅਦ ਇਹ ਖੁਲਾਸਾ ਹੋਇਆ ਕਿ ਬਾਣੀ ਜ਼ਿੰਦਾ ਹੈ ਅਤੇ ਇੱਕ ਹਸਪਤਾਲ ਵਿੱਚ ਇਲਾਜ ਕਰਵਾ ਰਹੀ ਹੈ। ਉਸਨੇ ਪਰਮੀਤ ਤੋਂ ਬਦਲਾ ਲੈਣ ਦੇਣ ਦੀ ਸਹੁੰ ਖਾਧੀ। ਉਹ ਅਨੁਰਾਧਾ ਨੂੰ ਦੁਬਾਰਾ ਮਿਲਦੀ ਹੈ ਜਿਸ ਨੂੰ ਬਾਅਦ ਵਿੱਚ ਪਰਮੀਤ ਦੀ ਅਸਲ ਮਾਂ ਹੋਣ ਬਾਰੇ ਪਤਾ ਲੱਗੇਗਾ। ਪਰ, ਬਾਣੀ ਇਸ ਤੋਂ ਅਣਜਾਣ ਹੈ। ਅਨੁਰਾਧਾ ਨੇ ਬਾਣੀ ਨੂੰ ਆਪਣੇ ਘਰ ਰਹਿਣ ਲਈ ਬੁਲਾਉਂਦੀ ਹੈ ਅਤੇ ਬਾਣੀ ਉਸਨੂੰ ਪਰਮੀਤ ਬਾਰੇ ਸਭ ਕੁਝ ਦੱਸਦੀ ਹੈ। ਅਨੁਰਾਧਾ ਬਾਣੀ ਦੀ ਇਸ ਯੋਜਨਾ ਵਿੱਚ ਮਦਦ ਕਰਦੀ ਹੈ। ਉਹ ਨਹੀਂ ਜਾਣਦੀ ਕਿ ਪਰਮੀਤ ਉਸਦਾ ਪੁੱਤਰ ਹੈ। ਰਾਜੀ ਨੂੰ ਪਤਾ ਲੱਗ ਜਾਂਦਾ ਹੈ ਕਿ ਬਾਣੀ ਸੱਚਮੁੱਚ ਜ਼ਿੰਦਾ ਹੈ ਪਰ ਬਾਣੀ ਉਸ ਨੂੰ ਪਰਮੀਤ ਬਾਰੇ ਸਭ ਕੁਝ ਦੱਸਦੀ ਹੈ ਕਿ ਕਿਸ਼ਤੀ ਦੀ ਘਟਨਾ ਦਾ ਕਾਰਨ ਸੀ। ਰਾਜੀ ਬਾਣੀ ਅਤੇ ਅਨੁਰਾਧਾ ਦੀ ਮਦਦ ਕਰਦੀ ਹੈ। ਉਹ ਬਾਣੀ ਨੂੰ ਇੱਕ ਪਾਰਟੀ ਗਰਲ, ਮਾਇਆ ਦੇ ਭੇਸ ਵਿੱਚ ਵਿਚਰਨ ਵਿੱਚ ਮਦਦ ਕਰਦੀਆਂ ਹਨ। ਇੱਕ ਪਾਰਟੀ ਵਿੱਚ, ਪਰਮੀਤ ਬਾਣੀ/ਮਾਇਆ ਨੂੰ ਵੇਖਦਾ ਹੈ ਅਤੇ ਹੈਰਾਨ ਹੁੰਦਾ ਹੈ। ਉਹ ਸਮਝਦਾ ਹੈ ਕਿ ਇਹ ਬਾਣੀ ਹੈ ਅਤੇ ਉਸਨੂੰ ਫੜ ਲੈਂਦਾ ਹੈ। ਪਰ ਬਾਣੀ/ਮਾਇਆ ਉਸਨੂੰ ਥੱਪੜ ਮਾਰਦੀ ਹੈ ਅਤੇ ਉਸਨੂੰ ਨਾ ਜਾਣਨ ਦਾ ਦਿਖਾਵਾ ਕਰਦੀ ਹੈ। ਉਹ ਆਪਣੇ ਆਪ ਨੂੰ ਮਾਇਆ ਦੱਸਦੀ ਹੈ ਜੋ ਪਰਮੀਤ ਨੂੰ ਉਲਝਾਉਂਦੀ ਹੈ ਪਰ ਉਹ ਅਜੇ ਵੀ ਯਕੀਨ ਨਹੀਂ ਕਰ ਰਿਹਾ। ਬਾਣੀ, ਰਾਜੀ ਅਤੇ ਅਨੁਰਾਧਾ ਆਪਣੀ ਯੋਜਨਾ ਨੂੰ ਅੱਗੇ ਵਧਾਉਂਦੇ ਹਨ ਅਤੇ ਪਰਮੀਤ ਨੂੰ ਇਹ ਵਿਸ਼ਵਾਸ ਦਿਵਾਉਣ ਵਿੱਚ ਸਫਲ ਹੁੰਦੇ ਹਨ ਕਿ ਇਹ ਅਸਲ ਵਿੱਚ ਮਾਇਆ ਹੈ। ਜਿਵੇਂ-ਜਿਵੇਂ ਸਮਾਂ ਬੀਤਦਾ ਜਾਂਦਾ ਹੈ, ਪਰਮੀਤ ਨੂੰ ਮਾਇਆ/ਬਾਣੀ ਨਾਲ਼ ਪਿਆਰ ਹੋ ਜਾਂਦਾ ਹੈ ਪਰ ਇਹ ਬਾਣੀ ਨੂੰ ਗੁੱਸੇ ਕਰ ਦਿੰਦਾ ਹੈ ਕਿਉਂਕਿ ਉਹ ਸਿਰਫ਼ ਇਹ ਚਾਹੁੰਦੀ ਹੈ ਕਿ ਉਸ ਨੂੰ ਦੁੱਖ ਹੋਵੇ ਅਤੇ ਉਸ ਨਾਲ਼ ਪਿਆਰ ਨਾ ਹੋਵੇ। ਹਾਲਾਂਕਿ, ਬਾਣੀ ਦੀਆਂ ਯੋਜਨਾਵਾਂ ਨੂੰ ਕਈ ਵਾਰ ਪਰਿਵਾਰ ਦੇ ਕੁਝ ਮੈਂਬਰ ਨਾਕਾਮ ਕਰ ਦਿੰਦੇ ਹਨ ਜੋ ਬਾਣੀ ਨਾਲ਼ ਸਹਿਮਤ ਨਹੀਂ, ਪਰ ਬਾਣੀ ਹਰ ਵਾਰ ਆਪਣੇ ਆਪ ਨੂੰ ਬਚਾ ਲੈਂਦੀ ਹੈ। ਜਲਦੀ ਹੀ, ਬਾਣੀ ਅਤੇ ਰਾਜੀ ਨੇ ਪਰਮੀਤ ਦਾ ਪਰਦਾਫਾਸ਼ ਕੀਤਾ ਅਤੇ ਉਸਨੂੰ ਘਰੋਂ ਬਾਹਰ ਕੱਢ ਦਿੱਤਾ ਗਿਆ। ਬਾਣੀ ਉਸ ਨੂੰ ਅਪਮਾਨਿਤ ਕਰਦੀ ਹੈ ਅਤੇ ਉਸ ਬਾਰੇ ਸਭ ਕੁਝ ਪ੍ਰਗਟ ਕਰਦੀ ਹੈ ਕਿ ਉਹ ਕਿਵੇਂ ਬਾਣੀ ਹੈ ਅਤੇ ਆਪਣੇ ਆਪ ਨੂੰ ਮਾਇਆ ਵਿੱਚ ਬਦਲ ਲਿਆ ਹੈ। ਜਿਵੇਂ-ਜਿਵੇਂ ਸਮਾਂ ਬੀਤਦਾ ਜਾਂਦਾ ਹੈ, ਬਾਣੀ ਪਰਮੀਤ ਦੇ ਪਿਆਰ ਵਿੱਚ ਪੈ ਜਾਂਦੀ ਹੈ ਕਿਉਂਕਿ ਉਹ ਉਸਨੂੰ ਸੱਚਮੁੱਚ ਪਿਆਰ ਕਰਦਾ ਹੈ ਅਤੇ ਉਸਨੂੰਜਿੱਤ ਲੈਂਦਾ ਹੈ। ਉਹ ਹਰ ਵਾਰ ਨਾਕਾਮ ਹੋ ਜਾਂਦਾ ਹੈ ਪਰ ਰਾਜੀ ਦੀ ਮਦਦ ਨਾਲ਼ ਸਫਲ ਹੁੰਦਾ ਹੈ ਕਿਉਂਕਿ ਉਹ ਜਾਣਦੀ ਹੈ ਕਿ ਪਰਮੀਤ ਅਸਲ ਵਿੱਚ ਕਿੰਨਾ ਪਛਤਾ ਰਿਹਾ ਹੈ। ਪਰਮੀਤ ਅਤੇ ਅਨੁਰਾਧਾ ਵੀ ਕਈ ਮੁਸ਼ਕਲਾਂ ਤੋਂ ਬਾਅਦ ਮੁੜ ਇਕੱਠੇ ਹੋ ਜਾਂਦੇ ਹਨ। ਕੁਝ ਮਹੀਨਿਆਂ ਬਾਅਦ ਹਰ ਕੋਈ ਖੁਸ਼ ਹੈ।