ਭਗਵਾਨਗੜ੍ਹ
ਭਗਵਾਨਗੜ੍ਹ ਉਰਫ਼ ਭੁੱਖਿਆਂਵਾਲੀ ਪੰਜਾਬ ਦੇ ਬਠਿੰਡੇ ਜ਼ਿਲ੍ਹੇ ਦੀ ਤਹਿਸੀਲ ਤਲਵੰਡੀ ਸਾਬੋ ਦਾ ਇੱਕ ਪਿੰਡ ਹੈ। ਜਿਸ ਦੇ ਦੱਖਣ-ਪੱਛਮ ਵਾਲੇ ਪਾਸੇ ਮੱਲਵਾਲਾ ਅਤੇ ਮਛਾਣਾ ਪਿੰਡ ਹਨ। ਪੱਛਮ-ਉੱਤਰ ਵਾਲੇ ਪਾਸੇ ਦੁਨੇਵਾਲਾ, ਮਹਿਤਾ ਪਿੰਡ ਆ ਜਾਂਦੇ ਹਨ। ਇਸ ਦੇ ਉੱਤਰ ਵਾਲੇ ਪਾਸੇ ਸ਼ੇਰਗੜ੍ਹ ਹੈ। ਪੂਰਵ ਦੱਖਣ ਵਾਲੇ ਪਾਸੇ ਮਾਣਵਾਲਾ ਪਿੰਡ ਪੈਂਦਾ ਹੈ। ਸ਼ੇਰਗੜ੍ਹ ਰੇਵਲੇ ਸਟੇਸ਼ਨ ਪਿੰਡ ਤੋਂ ਡੇਢ ਕਿੱਲੋਮੀਟਰ ਦੀ ਦੂਰੀ ਤੇ ਸਥਿੱਤ ਹੈ। ਗੁਰਮੇਲ ਸਿੰਘ ਢਿੱਲੋਂ ਪੰਜਾਬੀ ਗੀਤਕਾਰ ਹੋਇਆ ਹੈ, ਜਿਸ ਦੇ ਗੀਤ ਮੁਹੰਮਦ ਸਦੀਕ, ਰਾਜਾ ਸਿੱਧੂ ਅਤੇ ਹੋਰ ਨਾਮਵਰ ਗਾਇਕਾਂ ਵੱਲੋਂ ਗਾਏ ਗਏ ਹਨ। ਗੀਤਕਾਰ ਗੁਰਮੇਲ ਸਿੰਘ ਢਿੱਲੋਂ ਦਾ ਸਾਹਿਤਕ (ਗੀਤਕਾਰੀ) ਦਾ ਨਾਮ (ਢਿੱਲੋਂ ਭੁੱਖਿਆਂਵਾਲੀ ਵਾਲਾ) ਸੀ। ਇਸੇ ਨਾਮ ਨਾਲ ਗੁਰਮੇਲ ਸਿੰਘ ਪੰਜਾਬੀ ਸੰਗੀਤਿਕ ਜਗਤ ਵਿੱਚ ਮਸ਼ਹੂਰ ਹੈ। ਪਿੰਡ ਭਗਵਾਨਗੜ੍ਹ ਨੂੰ ਵੀ ਢਿੱਲੋਂ ਭੁੱਖਿਆਂਵਾਲੀ ਵਾਲੇ ਕਰਕੇ ਹੀ ਭੁੱਖਿਆਂਵਾਲੀ ਤੋਂ ਜ਼ਿਆਦਾ ਪਛਾਣਦੇ ਹਨ।
ਭਗਵਾਨਗੜ੍ਹ
ਭੁੱਖਿਆਂਵਾਲੀ | |
|---|---|
ਪਿੰਡ | |
 ਪਿੰਡ ਦਾ ਨਕਸ਼ਾ | |
  ਭਗਵਾਨਗੜ੍ਹ ਪੰਜਾਬ, ਭਾਰਤ ਵਿੱਚ ਸਥਿਤੀ  ਭਗਵਾਨਗੜ੍ਹ ਭਗਵਾਨਗੜ੍ਹ (ਭਾਰਤ) | |
| ਗੁਣਕ: 30°04′00″N 74°55′23″E / 30.066615°N 74.923069°E | |
| ਦੇਸ਼ | ਭਾਰਤ |
| ਰਾਜ | ਪੰਜਾਬ |
| ਜ਼ਿਲ੍ਹਾ | ਬਠਿੰਡਾ |
| ਤਹਿਸੀਲ | ਤਲਵੰਡੀ ਸਾਬੋ[1] |
| ਉੱਚਾਈ | 205 m (673 ft) |
| ਆਬਾਦੀ (2011) | |
| • ਕੁੱਲ | 2,659[1] |
| ਭਾਸ਼ਾਵਂ | |
| • ਅਧਿਕਾਰਤ | ਪੰਜਾਬੀ |
| • ਸਥਾਨਕ | ਪੰਜਾਬੀ |
| ਸਮਾਂ ਖੇਤਰ | ਯੂਟੀਸੀ+5:30 (ਆਈਐਸਟੀ) |
| ਪਿੰਨ ਕੋਡ | 151401 |
| ਟੈਲੀਫੋਨ ਕੋਡ | 01655 |
| ਵਾਹਨ ਰਜਿਸਟ੍ਰੇਸ਼ਨ | PB-03 |
| ਨਜ਼ਦੀਕੀ ਸ਼ਹਿਰ | ਬਠਿੰਡਾ |
| ਲਿੰਗ ਅਨੁਪਾਤ | 1000/882 ♂/♀ |
ਸਾਲ ੧੯੮੦-੯੦ ਵਿਆਂ ਦੇ ਸਮੇਂ ਵਿੱਚ ਪਿੰਡ ਭਗਵਾਨਗੜ੍ਹ ਦੀ ਕਬੱਡੀ ਦੀ ਟੀਮ ਬਹੁਤ ਜ਼ਿਆਦਾ ਮਸ਼ਹੂਰ ਰਹੀ ਹੈ। ਜਿਸ ਵਿੱਚ ਤਿੱਖੂ ਮਾਸਟਰ, ਬਲਜੀਤ ਸਿੰਘ (ਬੋਲ਼ਾ), ਪਾਲੀ, ਪਾਲ਼, ਰਾਜਿੰਦਰ ਸਿੰਘ ਰਾਜੀ ਖਿਡਾਰੀਆਂ ਨੇ ਬਹੁਤ ਜ਼ਿਆਦਾ ਨਾਮਣਾ ਖੱਟਿਆ ਹੈ।
ਇਸੇ ਦਾ ਨੌਜਵਾਨ ਕਵੀ ਤੇ ਕਹਾਣੀਕਾਰ ਹਰਦੀਪ ਸਿੰਘ ਢਿੱਲੋਂ ਵੀ ਇਸੇ ਪਿੰਡ ਦਾ ਜੰਮਪਲ ਹੈ। ਜਿਸ ਦੀਆਂ ਕਵਿਤਾਵਾਂ, ਕਹਾਣੀਆਂ ਪੰਜਾਬੀ ਦੇ ਅਖ਼ਬਾਰ ਰੋਜ਼ਾਨਾ ਸਪੋਕਸਮੈਨ ਅਤੇ ਪੰਜਾਬੀ ਰਸਾਲਿਆਂ ਵਿੱਚ ਛਪਦੀਆਂ ਰਹਿੰਦੀਆਂ ਹਨ। ਉਸ ਦੀ ਕਹਾਣੀ ਇਹ ਸਿਰਫਿਰੇ ਕੌਣ ਨੇ? ਜੰਗ ਦੇ ਮਾਰੂ ਮਾਨਸਿਕ ਪ੍ਰਭਾਵਾਂ ਨੂੰ ਪੇਸ਼ ਕਰਦੀ ਹੈ। ਨਿਮਨ ਕਿਸਾਨੀ ਦੀ ਪੇਤਲੀ ਹਾਲਤ ਚੋਂ ਨਿਕਲਣ ਦਾ ਰਾਹ ਦਿਖਾਉਂਦੀ ਉਸ ਦੀ ਕਹਾਣੀ ਮੁਆਵਜ਼ਾ ਇੱਕ ਪ੍ਰਭਾਵਸ਼ਾਲੀ ਕਹਾਣੀ ਹੈ। ਜੋ ਕਿ ਕਹਾਣੀਕਾਰ ਅਤਰਜੀਤ ਦੁਆਰਾ ਪ੍ਰਕਾਸ਼ਿਤ ਕੀਤੇ ਜਾ ਰਹੇ ਰਸਾਲੇ ਪਰਵਾਜ਼ ਵਿੱਚ ਛਪ ਚੁੱਕੀ ਹੈ। [2][3]
ਹਵਾਲੇ
ਸੋਧੋ- ↑ 1.0 1.1 "Bhagwangarh Urf Bhukhianwali Population - Bathinda, Punjab". Census 2011. www.census2011.co.in. Retrieved 5 November 2014.
- ↑ "Blockwise List of Villages". ਪੰਜਾਬ ਰਾਜ ਪਲਾਨਿੰਗ ਬੋਰਡ. Retrieved 4 ਅਗਸਤ 2013.
- ↑ Villages in Bathinda District, Punjab state
 | ਇਹ ਲੇਖ ਅਧਾਰ ਹੈ। ਤੁਸੀਂ ਇਸਨੂੰ ਵਧਾਕੇ ਵਿਕੀਪੀਡੀਆ ਦੀ ਮੱਦਦ ਕਰ ਸਕਦੇ ਹੋ। |