ਮਲੇਰਕੋਟਲਾ ਦਾ ਅਹਿਮਦ ਅਲੀ ਖ਼ਾਨ

ਸਰ ਮੁਹੰਮਦ ਅਹਿਮਦ ਅਲੀ ਖ਼ਾ\ਨ KCSI KCIE (10 ਸਤੰਬਰ 1881 – 16 ਅਕਤੂਬਰ 1947) 1908 ਤੋਂ ਆਪਣੀ ਮੌਤ ਤੱਕ ਭਾਰਤ ਵਿੱਚ ਮਲੇਰਕੋਟਲਾ ਰਾਜ ਦਾ ਅੰਤਮ ਨਵਾਬ ਸੀ। ਉਹ ਰਾਜ ਦਾ ਇਕਲੌਤਾ ਨਵਾਬ ਸੀ ਜਿਸਦਾ ਨਾਮ ਸਿੱਕਿਆਂ 'ਤੇ ਲਿਖਿਆ ਹੋਇਆ ਸੀ, ਅਤੇ ਆਪਣੇ ਵਿਸ਼ਾਲ ਇਮਾਰਤੀ ਪ੍ਰੋਜੈਕਟਾਂ ਲਈ ਜਾਣਿਆ ਜਾਂਦਾ ਹੈ। ਹਾਲਾਂਕਿ ਆਪਣੇ ਜੀਵਨ ਕਾਲ ਦੌਰਾਨ ਇੱਕ ਬੇਅਸਰ ਹੁਕਮਰਾਨ ਅਤੇ ਮੁਕਾਬਲਤਨ ਅਗਿਆਤ ਮੰਨਿਆ ਜਾਂਦਾ ਹੈ, ਫਿਰ ਵੀ 1947 ਵਿੱਚ ਭਾਰਤ ਦੀ ਵੰਡ ਦੇ ਦੌਰਾਨ ਵਿਆਪਕ ਧਾਰਮਿਕ ਹਿੰਸਾ ਦੇ ਦੌਰਾਨ ਆਪਣੇ ਛੋਟੇ ਰਾਜ ਵਿੱਚ ਫਿਰਕੂ ਸ਼ਾਂਤੀ ਯਕੀਨੀ ਬਣਾਉਣ ਦਾ ਸਿਹਰਾ ਉਸ ਨੂੰ ਜਾਂਦਾ ਹੈ। ਨਤੀਜੇ ਵਜੋਂ, ਉਸਦੀ ਮੌਤ ਤੋਂ ਬਾਅਦ ਉਸਦੇ ਰਾਜ ਬਾਰੇ ਜਨਤਕ ਰਾਏ ਵਿੱਚ ਬਹੁਤ ਸੁਧਾਰ ਹੋਇਆ।

ਅਰੰਭਕ ਜੀਵਨ

ਮੁਹੰਮਦ ਅਹਿਮਦ ਅਲੀ ਦਾ ਜਨਮ 1881 ਵਿੱਚ ਮਲੇਰਕੋਟਲਾ ਵਿਖੇ ਹੋਇਆ ਸੀ। ਉਹ ਨਵਾਬ ਇਬਰਾਹਮ ਅਲੀ ਖ਼ਾਨ ਦਾ ਦੂਜਾ ਪੁੱਤਰ ਸੀ। [2]

ਰਾਜ

ਅਹਿਮਦ ਅਲੀ ਖਾਨ ਆਪਣੇ ਪਿਤਾ ਦੀ ਮੌਤ ਤੋਂ ਬਾਅਦ 1908 ਵਿੱਚ ਗੱਦੀ 'ਤੇ ਬੈਠਾ। ਉਸਦਾ ਰਸਮੀ ਨਿਵੇਸ਼ 1909 ਵਿੱਚ ਹੋਇਆ ਸੀ [1] ਸ਼ੁਰੂ ਤੋਂ ਹੀ, ਉਸਦੀ ਹਕੂਮਤ ਉਸਦੇ ਪਰਿਵਾਰ ਵਿੱਚ ਜਾਇਦਾਦ ਦੇ ਵਿਵਾਦਾਂ ਕਾਰਨ ਪਰੇਸ਼ਾਨ ਸੀ।