ਵਿਕੀਪੀਡੀਆ:ਚੁਣਿਆ ਹੋਇਆ ਲੇਖ/12 ਦਸੰਬਰ
ਮੋਰਸ ਕੋਡ ਸੰਦੇਸ਼ ਭੇਜਣ ਦਾ ਇੱਕ ਤਰੀਕਾ ਹੈ। 12 ਦਸੰਬਰ, 1901 ਨੂੰ ਗੁਗਲੀਏਲਮੋ ਮਾਰਕੋਨੀ ਨੇ ਪਹਿਲਾ ਰੇਡੀਓ ਸਿਗਨਲ "S" [***] ਮੋਰਸ ਕੋਡ ਰਾਹੀ ਪ੍ਰਾਪਤ ਕੀਤਾ। ਇਸਦੀ ਰਚਨਾ ਸੈਮੁਏਲ ਮੋਰਸ ਨੇ 1840 ਦੇ ਦਹਾਕੇ ਦੇ ਸ਼ੁਰੂਆਤੀ ਸਾਲਾਂ ਵਿੱਚ ਬਿਜਲਈ ਟੈਲੀਗਰਾਫ ਰਾਹੀਂ ਸੰਦੇਸ਼ ਭੇਜਣ ਲਈ ਕੀਤੀ ਸੀ। ਬਾਅਦ ਵਿੱਚ 1890 ਦੇ ਦਹਾਕੇ ਤੋਂ ਮੋਰਸ ਕੋਡ ਦੀ ਵਰਤੋਂ ਰੇਡੀਓ ਸੰਚਾਰ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਵੀ ਹੋਈ। ਮੋਰਸ ਕੋਡ ਵਿੱਚ ਇੱਕ ਛੋਟਾ ਸੰਕੇਤ ਅਤੇ ਦੂਜਾ ਲੰਮਾ ਸੰਕੇਤ ਪ੍ਰਯੋਗ ਕੀਤੇ ਜਾਂਦੇ ਹਨ। ਇਹਨਾਂ ਦੋ ਸੰਕੇਤਾਂ ਦੇ ਨਿਰਧਾਰਤ ਸੰਜੋਗ ਨਾਲ ਕਿਸੇ ਵੀ ਸੁਨੇਹੇ ਨੂੰ ਪ੍ਰਕਾਸ਼ਿਤ ਕੀਤਾ ਜਾ ਸਕਦਾ ਹੈ। ਕਾਗਜ਼ ਆਦਿ ਉੱਤੇ ਮੋਰਸ ਕੋਡ ਵਿੱਚ ਕੁੱਝ ਲਿਖਣ ਲਈ ਛੋਟੇ ਸੰਕੇਤ ਲਈ ਬਿੰਦੀ ਅਤੇ ਲੰਮੇ ਸੰਕੇਤ ਲਈ ਡੈਸ਼ ਦਾ ਪ੍ਰਯੋਗ ਕੀਤਾ ਜਾਂਦਾ ਹੈ। ਅੰਤਰਰਾਸ਼ਟਰੀ ਮਾਰਸ ਕੋਡ ਦੇ ਪੰਜ ਹਿੱਸੇ ਹਨ: ਛੋਟਾ ਨਿਸ਼ਾਨ, ਬਿੰਦੀ ਜਾਂ ਡਿਟ (·) — ਇੱਕ ਇਕਾਈ ਲੰਮਾ, ਲੰਮਾ ਨਿਸ਼ਾਨ, ਡੈਸ਼ ਜਾਂ ਡਾ (-) — ਤਿੰਨ ਇਕਾਈਆਂ ਬਰਾਬਰ ਲੰਮਾ, ਛੋਟੇ ਅਤੇ ਲੰਮੇ ਸੰਕੇਤਾਂ ਦੇ ਵਿੱਚ ਖਾਲੀ ਜਗ੍ਹਾ ਜਾਂ ਸਮਾਂ — ਇੱਕ ਇਕਾਈ ਲੰਮਾ, ਛੋਟੀ ਖਾਲੀ ਜਗ੍ਹਾ (ਦੋ ਅੱਖਰਾਂ ਵਿਚਾਲੇ)— ਤਿੰਨ ਇਕਾਈ ਲੰਮਾ, ਮੱਧਮ ਖਾਲੀ ਜਗ੍ਹਾ (ਦੋ ਸ਼ਬਦਾਂ ਵਿਚਾਲੇ) — ਸੱਤ ਇਕਾਈ ਲੰਮਾ ਅਾਦਿ