ਬੇਰਵਾਲਾ ਖੁਰਦ

ਕਿਲੋਮੀਟਰਬੇਰਵਾਲਾ ਖੁਰਦ, ਹਰਿਆਣਾ, ਭਾਰਤ ਦੇ ਸਿਰਸਾ ਜ਼ਿਲ੍ਹੇ ਦੀ ਏਲਨਾਬਾਦ ਤਹਿਸੀਲ ਦਾ ਇੱਕ ਪਿੰਡ ਹੈ। "ਖੁਰਦ" ਅਤੇ "ਕਲਾਂ" ਫ਼ਾਰਸੀ ਭਾਸ਼ਾ ਦੇ ਸ਼ਬਦ ਹਨ ਜਿਨ੍ਹਾਂ ਦਾ ਅਰਥ ਕ੍ਰਮਵਾਰ "ਛੋਟਾ" ਅਤੇ "ਵੱਡਾ" ਹੈ। ਜਦੋਂ ਦੋ ਪਿੰਡਾਂ ਦਾ ਇੱਕੋ ਨਾਮ ਹੁੰਦਾ ਹੈ, ਤਾਂ ਉਹਨਾਂ ਨੂੰ ਪਿੰਡ ਦੇ ਨਾਂ ਨਾਲ "ਕਲਾਂ", ਭਾਵ "ਵੱਡਾ" ਅਤੇ "ਖੁਰਦ", ਭਾਵ "ਛੋਟਾ" ਵਜੋਂ ਪਛਾਣਿਆ ਜਾ ਸਕਦਾ ਹੈ। ਬੇਰਵਾਲਾ ਖੁਰਦ ਏਲਨਾਬਾਦ ਤੋਂ 9 ਕਿਲੋਮੀਟਰ ਅਤੇ ਜ਼ਿਲ੍ਹਾ ਹੈੱਡਕੁਆਰਟਰ ਸਿਰਸਾ ਤੋਂ 53 ਕਿਲੋਮੀਟਰ ਦੂਰ ਹੈ। ਬੇਰਵਾਲਾ ਖੁਰਦ ਸਿਰਸਾ ਜ਼ਿਲ੍ਹੇ ਦੇ ਪੱਛਮੀ ਕੋਨੇ ਵਿੱਚ ਹੈ ਅਤੇ ਰਾਜਸਥਾਨ ਦੀ ਸਰਹੱਦ 'ਤੇ ਹੈ। ਇਸ ਨੂੰ ਨੇੜਲੇ ਸ਼ਹਿਰ (ਏਲਨਾਬਾਦ) ਨਾਲ ਜੋੜਨ ਲਈ ਕੋਈ ਜਨਤਕ ਆਵਾਜਾਈ ਦਾ ਸਾਧਨ ਨਹੀਂ ਹੈ। ਲੋਕ ਮੁੱਖ ਤੌਰ 'ਤੇ ਮੋਟਰ ਸਾਈਕਲਾਂ, ਕਾਰਾਂ ਅਤੇ ਟਰੈਕਟਰਾਂ 'ਤੇ ਨਿਰਭਰ ਕਰਦੇ ਹਨ। ਬੇਰਵਾਲਾ ਖੁਰਦ ਵਿੱਚ 4000 ਵਿੱਘੇ ਵਾਹੀਯੋਗ ਜ਼ਮੀਨ ਹੈ। ਆਬਾਦੀ ਲਗਭਗ 4,500 ਹੈ। ਪਿੰਡ ਵਿੱਚ ਸ਼ਹੀਦ ਰਾਧੇ ਸ਼ਿਆਮ ਭਾਕਰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਹੈ। ਨੇੜਲੇ ਪਿੰਡ ਧੌਲਪਾਲੀਆ (ਦੱਖਣੀ), ਤਲਵਾੜਾ ਖੁਰਦ (ਉੱਤਰ-ਪੂਰਬ), ਅਤੇ ਬੇਰਵਾਲਾ ਕਲਾਂ (ਉੱਤਰ, ਰਾਜਸਥਾਨ ਵਿੱਚ) ਹਨ।

ਇੰਦਰਾ ਗਾਂਧੀ ਨਹਿਰ ਪਿੰਡ ਦੇ ਪੱਛਮ ਵੱਲ 4 ਕਿਲੋਮੀਟਰ ਦੂਰੀ ਤੇ ਚੱਲਦੀ ਹੈ ।

ਆਬਾਦੀ

ਪਿੰਡ ਮਿਸ਼ਰਤ ਭਾਈਚਾਰਿਆਂ ਦਾ ਬਣਿਆ ਹੋਇਆ ਹੈ। ਇਸ ਵਿੱਚ ਅਨੁਸੂਚਿਤ ਜਾਤੀ, ਪੱਛੜੇ ਵਰਗ ਅਤੇ ਜਨਰਲ ਵਰਗ ਦੇ ਲੋਕ ਹਨ। ਇਨ੍ਹਾਂ ਵਿੱਚੋਂ ਬਹੁਤੇ ਅਨਪੜ੍ਹ ਹਨ। ਪਿੰਡ ਦੀ ਆਰਥਿਕਤਾ ਵਿੱਚ ਮੁੱਖ ਤੌਰ 'ਤੇ ਖੇਤੀਬਾੜੀ ਅਤੇ ਪਸ਼ੂ ਪਾਲਣ ਸ਼ਾਮਲ ਹੈ।

ਪਿੰਡ ਵਿੱਚ ਡਾਕਖਾਨਾ ਹੈ ਜੋ ਪਿੰਡ ਬੇਰਵਾਲਾ ਖੁਰਦ ਅਤੇ ਧੌਲਪਾਲੀਆ ਦੀ ਸੇਵਾ ਕਰਦਾ ਹੈ। ਪਿੰਡ ਵਿੱਚ ਵਾਟਰ ਵਰਕਸ, ਬਿਰਧ ਆਸ਼ਰਮ, ਪੰਚਾਇਤ ਘਰ, ਆਂਗਨ ਵਾੜੀ ਅਤੇ ਗਊਸ਼ਾਲਾ ਵੀ ਹੈ।

ਪਿੰਡ ਵਾਸੀ ਮੁੱਖ ਤੌਰ 'ਤੇ ਖੇਤੀਬਾੜੀ ਅਤੇ ਸਬੰਧਤ ਕੰਮ ਕਰਦੇ ਹਨ। ਪਿੰਡ ਨੂੰ ਭਾਖੜਾ ਨਹਿਰ ਅਤੇ ਇੰਦਰਾ ਗਾਂਧੀ ਨਹਿਰ ਤੋਂ ਪਾਣੀ ਮਿਲਦਾ ਹੈ।